KUTALIKA MUBANDI
CIIYO 2
Mutakakatishi Muntu Kubandika
Njiisho: “Kukumbula bweelete kulasangalasha—ncintu cibotu kwaamba liswi lyeelete paciindi ceelete!”—Tus. 15:23.
Filipo Nshaakacita
1. Amweebele VIDYO, na kubelenga Milimo 8:30, 31. Lyalo akuyeeya pa miipusho itokonkelaawo:
Ino Nciinshi Nceenga Tweeya Kucakubonenaako Cakwe Filipo?
2. Na muntu tatuna kumukakatisha kubandika alaakulinyumfwa kwaanguluka akuba ulibambite kutambula makani ngotusuni kumushimikila.
Amukonkele Cakubonenaako Cakwe Filipo
3. Amulangilishe cakubikila maano. Inga mwashiba shiinji na mwabikila maano kumuntu alimwi ambwaatoboneka. Sa atoboneka anga inga wasumina kubandikaakwe? Mpashi inga mwatalika kushimikila kwiinda mukwiipusha ayi, “Sa mulishi kwaamba ayi . . . ?” Mutakakatishi muntu utasuni kubandika.
4. Amukalike moyo. Mutalinyumfwi ayi na mwakumanyabo muntu mulyeelete kutalika kubandika shamu Baibo peenkapo. Amulindile ciindi ceelete ndyeenga makani anjilamobo mumubandi. Cimwi ciindi, inga twayandika kulindila kushikila bushiku bumwi ndyeshi tukabandike amuntu uyo alimwi.
5. Amube balibambite kwaalula mubandi. Mpashi muntu inga watalika kubandika makani ngomwatalinga kulangila. Amube balibambite kubandika makani eenga eendelana anshaatokwaamba muntu uyo, nabi kwaamba ayi ici inga casansulula kubandika makani amu Baibo apusene angomwalinga kuyeeya.
