Tawˇ tanˬ yaw daꞈ ve
Awˬ lawn 2
Na sha ve tawˇ yaw ve
Awˬ liˇ awˬ hkʼaˇ: “Daꞈ ve dawˇ hkʼaˇ hpeuꞈ maˍ laˇ ve lehˬ, hpu hkʼeun htaꞈ tcuhˉ taˍ ve shi hkʼe hpehꞈ ve yoˬ.”—Tawˇ naˉ ve 25:11.
Hpiˇliˇpuˆ hkʼaˬ hkʼe te ve le?
1. VDO nyi ve maˇ heˆ leh Tcuh yaˇ liꞈ 8:30, 31 gʼaw sheˍ. Peuˬ leh na hkawˇ chi teˇ hpaˍ htaꞈ dawˇ nyi sheˍ:
Hpiˇliˇpuˆ ve awˬ lawn aˬ htoꞈ ma maˍ laˇ ve le?
2. Ngaˬ hui shu na sha tuˬ tawˇ yaw piˇ ve kʼo, shu nyi ma sha leh na gaˇ tuˬ kaꞈ te piˇ ve yoˬ.
Hpiˇliˇpuˆ htaꞈ henˇ yuˬ ve
3. Chaˬ nyi puiˉ ve. Ngaˬ hui yaw daꞈ ve chaw yawˇ ve mehˆ hpfuhˇ leh te tawˆ la ve htaꞈ nyi ve kʼo, laiˉ ceuˬ shiˍ gʼa ve yoˬ. Nyi˗a kʼo, yawˇ ngaˬ hui geh yaw daꞈ gaˇ ve laˇ? Hkʼe kʼo, ngaˬ hui yawˇ geh Liꞈ hpu hkʼaw ve awˬ lawn tanˬ yaw daꞈ tuˬ, yawˇ htaꞈ na piˇ gʼa ve, “nawˬ chi hkʼe dawˇ nyi jaw˗aw laˇ?” Yaꞈ hkʼaˇ, yawˇ ngaˬ hui geh maˇ yaw daꞈ gaˇ ve kʼo, caˉ leh taˇ yaw.
4. Yeunˇ hkanˍ ve. Liꞈ hpu hkʼaw ve awˬ lawn ngaˬ hui laꞈ haˉ gʼa kʼoˆ piˇ tuˬ taˇ dawˇ. Awˬ yanˇ cawˇ ve hkʼaw kʼoˆ maˍ piˇ sheˍ. Teˇ pawˆ pawˆ kʼo, awˬ gʼuˇ suhˍ teˇ pawˆ yawˇ htaꞈ kʼawꞈ mawˬ daꞈ htaˇ, Liꞈ hpu hkʼaw ve awˬ lawn tanˬ yaw daꞈ gʼa ve yoˬ.
5. Pa tuˬ gu hehnˇ taˍ ve. Ngaˬ hui yaw daꞈ ve chaw ngaˬ hui maˇ dawˇ nyi jaw ve awˬ lawn htaꞈ yaw laˇ gʼa ve yoˬ. Yaꞈ hkʼaˇ, yawˇ shiˍ gaˇ ve awˬ lawn htaꞈ hawˍ daꞈ ve maˍ piˇ cawˇ ve yoˬ. Chi lehˬ ngaˬ hui gu laˬ taˍ ve awˬ lawn maˇ hpehꞈ ve yoˬ hehˉ.