KUKALISA PUISANO
TUTO 2
Mulibelele Nako Yeswanela ya Kukalisa Puisano
Sikuka: “Linzwi lelibulelwa ka nako yelukile—ki lelinde luli!”—Liprov. 15:23.
Zanaaezize Filipi
1. Mubuhe VIDIO, kamba mubale Likezo 8:30, 31. Hasamulaho, munyakisise lipuzo zelatelela:
Luitutañi ku Filipi?
2. Haiba lulibelela nako yeswanela ya kukalisa puisano, mutu yeluambola ni yena wakona kulukuluha kuteeleza kwa lushango lwaluna.
Mulikanyise Filipi
3. Mube ni temuho. Mwakona kuziba zeñata ka za mutu ka kutalima mwabonahalela fa sifateho ni zasweli kueza hamuambola ni yena. Kana mutu yo watabela kuikambota ni mina? Mwakona kukala kuikambota ni mutu litaba za mwa Bibele ka kumubuza feela kuli: “Kana mwaziba kuli . . . ?” Musike mwahapeleza mutu yasatabeli kuteeleza ku mina kuli aambole ni mina.
4. Mube ni pilu-telele. Musike mwaikutwa kuli mutokwa kukala kuambola litaba za mwa Bibele honafo feela. Mulibelele nako yeswanela kuli mukalise kuikambota litaba zeo. Fokuñwi mwendi mukatokwa kulibelela nako yetatama hamuka ikambota ni mutu yo.
5. Mucincange litaba zemuambola ni batu. Mutu yemuambola ni yena wakona kukala kubulela litaba zene musika itukiseza. Muambole ni mutu yo litaba zatabela nihaike kuli kueza cwalo kukona kutahisa kuli muambole ni yena litaba zene musika itukiseza.
