MWA KUSHILWILA MĪSAMBO
KIFUNDWA 2
Leka Mīsambo Ikale Mwisambilwanga
Musoñanya: “Kinenwa kīsambwa pa kitatyi kifwaninwe—buya’kyo!”—Nki. 15:23.
Byālongele Fidipa
1. Tala VIDEO, nansha kutanga Bilongwa 8:30, 31. Kupwa londolola bino bipangujo:
Ñeni Yotuboila Kudi Fidipa
2. Shi tuleke mīsambo ikale mwisambilwanga, tubwanya kulengeja muntu aleke kusela mutyima kūlu ne kwitabija musapu wetu.
Iula Fidipa
3. Tadija. Bilomboji bya mpala, mwimanino nansha mushikatyilo, ne mujininyo wa ngitu, bibwanya kwitulombola bivule padi muntu. Lelo muntu umweka bu usakanga kwisamba nobe? Ubwanya kushilula kwisambila pa myanda ya mu Bible na kunena’tu amba, “Le wadi uyukile amba . . . ?” Kokaningila muntu shi kasakilepo kwisamba nobe.
4. Tūkija mutyima. Kokimona’mba ufwaninwe kwisambila pa myanda ya mu Bible pakishilula’tu mīsambo. Ilaija mukenga muyampe mwanda wa mīsambo ikale mwisambilwanga. Kyaba kimo, biketulomba kwilaija enka ne byotukesamba monka na muntu’wa.
5. Ikala muntu upēlelwa kushinta. Mīsambo ibwanya kwenda mu muswelo oketwadipo tulangila. Nanshi musapwile myanda ikwatañene na ngikadilo yandi, nansha shi bilomba kumusapwila myanda ya mu Bible mishile na yowadi nayo mu ñeni.
