WIˈIXË JÄˈÄY NMËTMAYTYAKTSOˈONËM
LEKSION 2
Mmaytyäˈäk extëm mijts mgajpxy mmaytyaˈaky
Biiblyë jyënaˈany: “Tuˈugë ayuk mëdiˈibë pëtsëëmp mä meerë tyëgoyˈaty, ¡jantsy oy xyajnayjyäˈäwëm!” (Prov. 15:23).
¿Ti tyuunë Felipe?
1. Ixë BIDEO o käjpxë Apostʉlʉty 8:30, 31, ets winmay mëdiˈibë yä yajtëëpy:
¿Ti xytyukniˈˈijxëmë Felipe yˈijxpajtën?
2. Pën jawyiin jam tii nˈoknigäjpxkoj nˈoknimaytyakojëm mët ja jäˈäy, mbäät oy nyayjyawëty etsë net tmëdoowˈitäˈänët ja Diosë yˈAyuk.
Panëjkxë Felipe yˈijxpajtën
3. Ix wiˈix ja jäˈäy yajpääty. Pëkë kuentë wiˈix ja wyiin jyëjp ttuny o tpëjktaˈaky. ¿Këxëˈkp ko käjpxäämp maytyäˈägäämp? Tuk pëky wiˈix mbäät nimaytyaktsoˈonëm ja Diosë yˈayuk, yëˈko ja jäˈäy nˈanmäˈäyëm: “¿Mnijäˈäwëp ko Biiblyë nyimaytyakypyë…?”. Per pën nˈijxëm ko ja jäˈäy kyaj myaytyäˈägäˈäny, kyaj kuanë ndimymyëtmaytyakëm.
4. Mmëdatë maˈkxtujkën. Kyaj mwinmayët ko tsojkëp netyë ja jäˈäy xytyukmëtmaytyäˈägëdë Diosë yˈayuk. Okkäjpx okmaytyäˈäk mëët jawyiin, taanëm xytyukmëtmaytyäˈägët ja Diosë yˈayuk. Ets pën kyaj mbäät xynyimaytyaktëkë, ja nëjkx xytyukmëtmaytyaˈaky ko jatëgok mëët mnaybyäädëdët.
5. Nimaytyäˈäk mëdë jäˈäy ti nyimaytyäˈägaampy. Pën ja jäˈäy yëˈë nyimaytyäˈägaampy ja jotmay mëdiˈibë jam pyatypy, oy ko yëˈë mëët xynyimaytyäˈägët, ets kyaj yëˈë xyˈoktukmëtmaytyaknët mëdiˈibë nety mjatukmëtmaytyäˈägaampy.
