МУТЛАНЫМАШЫМ ТӰҤАЛЗА
2 УРОК
Мутланымаш тыглай семын лийже
Принцип: «Келшен толшо жапыште каласыме мут могай сай!» (Прит. 15:23).
Мом Филипп ыштен
1. ВИДЕОРОЛИКЫМ ончалза але Апост. пашашт 8:30, 31 лудын лекса. Вара нине йодыш-влак нерген шонкалыза:
Филипп деч мо́лан тунемына?
2. Мутланымаш тыглай семын лиеш гын, айдемылан поро уверым колышташ куштылгырак лиеш.
Филипп деч примерым налза
3. Тӱткӧ лийза. Айдемын чурийже, позо ден жест-влак шуко мом ончыктен кертыт. Айдеме мутланаш ямде улеш манын коеш мо? Туге гын, Библий гыч иктаж-могай пайдале шонымашым тудлан ончыктыза. Проста мут дене тӱҥалаш лиеш, мутлан: «А те паледа...». Но еҥын мутланаш кумылжо уке гын, мутланымашым умбакыже шуяш ида тырше.
4. Чытыше лийза. Библий нерген вигак ойлаш ида вашке. Мутланымаш тыглай семын лийшаш, садлан Библий нерген ойлашлан келшен толшо жапым вучыза. Южгунам тыгай йӧн вес мутланымаш годым гына лектын кертеш.
5. Лывырге лийза. Мутланымаш вучыдымын вашталтын кертеш. Айдемылан иктаж-могай посна шонымашым каласкалаш шонен пыштенда гынат, мутланаш ямде лийза тыгай теме нерген, кудыжо тудлан оҥай лиеш.
