Mamokaki ikaj iuan timotlapouijtok

MA MOKAKI IKA

Principio bíblico: “Ijkuak moijtoua se tlajtoli ijkuak moneki, ¡melauak teyolchikaua!” (Prov. 15:23).

¿Tlen okichi Felipe?

VIDEO: Felipe okitlapoui se tekiua tlen oualaya Etiopía

1. Xikita VIDEO noso xiktlajtolti Hechos 8:30, 31. Satepan ximotlajtlani:

1. ¿Tlen okijto Felipe ijkuak opejki motlapouia iuan tekiua?
2. ¿Tleka Felipe okimatki ken motlapouis iuan tekiua uan okimachti tlen amo okimatiaya?

¿Tlen techmachtia tlen okichi Felipe?

2. Tla san kualtsin timotlapouiaj inuan oksekimej xamo okachi techkakiskej uan kuali momachiliskej.

Xikchiua ijkon ken Felipe okichi

3. Xikita tlen kichiua. ¿Tikita tlen kichijtok akin tiktlapouia? ¿Tlen kiteititia ixko ijkuak itlaj kijtoua? ¿Mota kineki mouan motlapouis? Para tiktlapouis tlen kijtoua Biblia uelis tiktlajtlanis: “¿Tejuatsin otikmatiaya...?”. Amo iuan ximotlapoui tla amo kineki mitskakis.

4. Amo ximosotlaua. Amo moneki san niman tiktlapouis tlen kijtoua Biblia. Achto itlaj xiktlajtlani uan satepan xiktlapoui tlen kijtoua Biblia. Ualeua xamo uelis tiktlapouis tlen kijtoua Biblia hasta ijkuak oksepa tiktlajpaloti.

5. Xiktlapoui tlen kineki kimatis. Akin tiktlapouis xamo mitsiluis okseki tlamantli. Ikinon ayakmo xikilui tlen otiknekiaya tiktlapouis uan xikilui tlen ye kineki kimatis.

NOIJKI XIKITA

Ecl. 3:1, 7; 1 Cor. 9:22; 2 Cor. 2:17; Col. 4:6

XITETLASOJTLA UAN XITLAMACHTI