UKUQALISA INGXOXO
ISIFUNDO 2
Yekela Ingxoxo Itshelele
Isimiso: ‘Ilizwi elikhulunywe ngesikhathi esifaneleyo lihle kakhulu!’—Zaga. 15:23.
Okwenziwa NguFiliphu
1. Bukela IVIDIYO, kumbe ubale imiSebenzi 8:30, 31, ubusuphendula imibuzo elandelayo:
Sifundani Kulokho Okwenziwa NguFiliphu?
2. Nxa singayekela ingxoxo iziqhubekele kuhle, umuntu esixoxa laye uzakhululeka njalo afune ukuzwa okunengi.
Lingisela UFiliphu
3. Woba lelihlo elibukhali. Ukukhangela indlela umuntu enza ngayo lesimo sobuso bakhe kungasinceda sibone ukuthi uyafuna yini ukuxoxa lathi loba hatshi. Ungangenisa indaba eseBhayibhilini ngokuthi, “Ubukwazi yini . . . ?” Ungambambi ngamandla umuntu nxa engafuni ukuxoxa lawe.
4. Bekezela. Ungajahi ukungenisa indaba eseBhayibhilini kodwa linda uze uthole ithuba lokuthi uyingenise kuhle. Kwezinye izikhathi ungayingenisa nxa usuphinda ukuxoxa laye.
5. Vumelana lesimo. Kwezinye izikhathi umuntu angavusa indaba obungayilindelanga. Yikho zimisele ukutshintsha intshumayelo obuyilungiselele, ukhulume ngalokho okuzanceda umuntu oxoxa laye.
