KUTANGISA MABHUYO
CIJIJO 2
Bhuyanyi ngo Cibarihwe
Ndhungamiriro: ‘Magama anobhuiwa pa nguva kwayo, akanaka maningi!’—Mazwi 15:23, Sandujo yo Nyika Imbza.
Firipi Wakaitenyi?
1. Vonanyi VHIDHIYO, kana verenganyi Mabasa o Vapostori 8:30, 31. Perapo daviranyi muvhunjo jinotevera:
Tinojijenyi ngo Muezaniso wa Firipi?
2. Kudari tikatendera kuti mabhuyo ave ocibarihwe, zvinozoreruka maningi kuti mundhuwo ajizwe akasujunuka kuti aenderere mberi no mabhuyowo.
Tevejeranyi Firipi
3. Ivanyi mundhu anosotesesa. Mungakwanisa kuziva zvakawanda ngo pamusoro po mundhu ngo kusotesesa ciimo cake, mavereketero ake no mavonekero ake. Kunanga kuti mundhuwo anoda kubhuya nemwi? Imwimwi mungakwanisa kubhuya cokwadi co Bhaibheri mu njira yakareruka, ngo kumuvhunjisa kudari: “Imwimwi maizviziva kuti . . . ?” Ngwariranyi kuvangirija mabhuyo no mundhu acikadi kubhuya.
4. Ivanyi mundhu anosengerera. Mucajizwa kuti munodikana kubhuya ngo pamusoro po Bhaibheri ngo kukasika. Veteranyi mukuvo wo kuita izvi ngo cibarihwe. Nguva jimweni, izvi zvingareva kuvetera mbhera pa mukuvo umweni wamunozobhuyazve no mundhuwo.
5. Ivanyi mundhu anocinja mabhuyo. Mukuvo umweni mundhu angabhuya zviro zvokuti amucaizvivetera. Ngo kudaro, ivanyi makanasirirka kuti mubhuye ngo shwiro inodakarihwa ngo mundhuwo, pikija zvecireva kucinja shwiro yamaidaro kubhuya ngo pamusoro payo.
