TAUM DAI LÜÜR ANREERE
KAPITEL 2
Fortel up ain årt woo dai mësch sich gaud befijnt
Ine Bijbel stäit: “Woo gaud is doch air woord wat ine richtige tijd sägt wart!” (Pro 15:23)
Wat hät Filipe måkt?
1. Kijk der VIDEO, urer lees Atos 8:30 un 31. Nåheer, dau dai frågen hijr uuner antwoore:
Wat lëre wij fon Filipe?
2. Wen wij up ain årt fortele dat dai mësch sich gaud befijnt, is lichter dat dai ruiger wart un oos hööre wil.
Måk Filipe nå
3. Dau gaud bekijke. Duu kast feel daile oiwer aine mësche ruuterkrijge wen’s duu nå dem sijne schik un gesicht kijke däist. Wen’s duu soo’n daile bekijke däist, mainst duu wil dai mësch mit dij fortele? Wen jå, taum oiwer dai Bijbel fortele, duu kast bloos säge: “Wätst duu dat . . . ?” Åwer, wen’s duu saie däist dat dai mësch ni mit dij fortele wil, dau ni mit gewald dat dai mësch mit dij fortele schal.
4. Häw geduld. Dau ni denke dat’s duu glijk oiwer dai Bijbel fortele must. Luur up dai richtig tijd taum oiwer dai Bijbel fortele ån dat mit gewald måke. Kan sin dat’s duu luure must bet dat anerd mål wen’s duu mit dem mësche werer fortele däist.
5. Dau aners wat säge. Kan sin däit dai mësch fortele oiwer daile woo’s duu ni up luure däist. Den, dau oiwer air dail fortele wat dai mësch laiwer fortele wil, lijkerst wen’s duu aners wat säge must as duu dij uutdacht häst.
