LALA BA WAMÖRÖGÖ FAHUHUOSA
FAMAHAʼÖ 2
Si Toʼolö Manö
Goi-goi: ”Hawaʼasökhi zi sambua fehede ba ginötö si tefaudu!”—Amd. 15:23.
Hadia Nifalua Wilifo?
1. Faigi VIDEO, mazui baso Halöwö Zinenge 8:30, 31. Aefa daʼö, angeragö wanofu-nofu daʼa:
Hadia Wamahaʼönia Khöda?
2. Na si toʼölö manö lagu wahuhuosada, lö alawö-lawö niha fahuhuo khöda ba omasi ira lafondrondrongo duria nifaʼemada.
Oʼö Wilifo
3. Haogö nehegö. Tola oya öʼila sanandrösa khö zi samösa niha moroi ba zikhala hegöi lagu mbotonia. Hadia omasi ia fahuhuo khöu? Na tebai, böi faso ia. Hizaʼi, na omasi ia tola öbörögö fahuhuo khönia ömane, ”Hadia öʼila wa . . . ?” Böi faso niha si lö omasi fahuhuo khöu.
4. Böi aösö-aösö. Böi anemaiʼö tutunö khönia sanandrösa ba Zura Niʼamoniʼö. Baloi irege so ginötö si tefaudu. Itaria, awena tola tatutunö khönia daromali Lowalangi na falukha ita khönia sakali tö.
5. Fagoʼösi. Na fahuhuo ita, tola manö faböʼö nisofu zokhö omo moroi ba duho si no tafaʼanö. Fagoʼösi duho nitutunömö khönia hewaʼae na faböʼö moroi ba duho si no tafaʼanö.
