Seo Filipi a se Dirilego

Seo re Ithutago Sona go Filipi

2. Ge re ka thoma poledišano ka go swara magang le motho, mohlomongwe motho yoo a ka ikwa a lokologile go boledišana le rena gomme a thabela go theetša molaetša wa rena.

 Ekiša Filipi

3. Ntšha mahlo dinameng. Ponagalo ya sefahlego sa motho yoo re boledišanago le yena le boitšhišinyo bja gagwe bja mmele, di ka re botša mo gontši ka yena. O ka ipotšiša gore, na motho yo o bonagala a nyaka go bolela le nna? Mohlomongwe o ka thoma go boledišana le yena ka taba e itšego ya ka Beibeleng. O ka mmotšiša gore, “Na o be o tseba gore . . . ?” O se ke wa gapeletša go boledišana le motho yoo a sa nyakego go bolela le wena.

4. O se ke wa fela pelo. O se ke wa ipotša gore o swanetše go no bolela le motho ka Beibele di sa tloga fase. Letela nako ya maleba gore o tle o kgone go bolela le yena ka mokgwa wa tlhago. Ka nako e nngwe o ka no se hwetše sebaka sa go boledišana le yena ka Beibele go fihla o tlo kopana le yena nakong e tlago.

5. Fetofetoga le maemo. Motho a ka thoma go boledišana le wena ka dilo tšeo o bego o sa di nagane. Ka gona, ikemišetše go boledišana le yena ka taba e itšego yeo e sepedišanago le seo a bolelago ka sona, le ge e se taba yeo o bego o naganne go tlo bolela ka yona.