Eki Filipo Yaakozire

Nitwegyera ki Ahari Filipo?

2. Twagaaniira n’omuntu omu ngamba yaitu eya butoosha, nikibaasa kumworobera kwikiriza obutumwa bwaitu.

 Tooreza Filipo

3. Yetegyereza embeera. Noobaasa kumanya bingi aha muntu waamureeba aha maisho, n’oku arikukoresa ebicweka by’omubiri. Omuntu naareebeka nk’orikwenda kugamba naiwe? Noobaasa kwanjura amazima ga Baibuli orikubuuza bubuuza oti: “Waaba noomanya ngu . . . ?” Otagyemesereza omuntu ekigaaniiro yaaba atarikwenda kugamba.

4. Ba omugumisiriza. Otateekateeka ngu oine kwanjura amazima ga Baibuli ahonaaho. Tegyereza kuhitsya obu oraatungye omugisha gw’okugamba aha mazima. Obumwe, eki nikibaasa kwetengyesa kutegyereza kuhitsya obu oraagarukye kugaaniira n’omuntu ogwo.

5. Ba oyeteekateekire kuhinduramu. Omu kigaaniiro kyanyu, omuntu naabaasa kugamba eki waaba otarikuteekateeka. N’ahabw’ekyo, ba oyeteekateekire kugamba aha kirikuhikaana n’enshonga ye, n’obu kyakuba nikitaana n’ekyawe.