Kodi n’Ciyani Comwe Filipi Adacita?

Kodi Tikupfunza Ciyani na Bzomwe Filipi Adacita?

2. Tikambaceza na wanthu mu njira yacibadwa, bzin’dzacitisa kuti iwo akhale wakutsudzuka na wakukonzeka kutetekera nkhani yomwe tikufuna kuceza nawo.

 Tewezerani Filipi

3. Mbakhalani wakuzindikira. Imwepo mungadziwe bzinthu bzizinji pakulewa bza munthuyo mwakuwona mawonekedwe yace. Kodi munthuyo akuwoneka kuti an’funa kuceza namwe? Penu n’tenepo, imwepo mungayambe kuceza naye nkhani ya m’Bibliya mwa kum’bvunza kuti: “Kodi imwepo mukhadziwa kuti . . . ?” Tsono tin’funika lini kungingimiza munthu penu akufuna lini kuceza nafe.

4. Mbakhalani wakupirira. Lekani kukumbuka kuti mun’funika kuyambisiratu maceza ya m’Bibliya na munthu pomwe mukuyamba kuceza naye. Koma pomwe mukuceza mbadikhirani kuti pagumanike mpata wabwino wakuyambisira maceza ya m’Bibliya. Ndipo nthawe zinango bzingafunike kudikhirira mpaka pa ulendo bunango pomwe tingadzaceze na munthuyo.

5. Mbacinja-cinjani. Nthawe zinango munthu angayambise nkhani yomwe tikhaidikhirira lini. Tsono bzimwebzi bzikacitika, mbakhalani wakukonzeka kuceza na munthuyo nkhani yomwe ikubverana na nkhani yomwe iye wayambisayo, napo kuti ingakhale yakusiyana na yomwe mwakonzekera.