MUNO TUBAGHILE UKWANDA UKUYOBESANIA NABANDU
IKIMANYILO 2
Muyobeghe Muno Mukuyobela Bwila
Ilemba: “Bo bununu buki ukuyoba ilisyu ilinunu pakabalilo aka likulondiwa.”—Mbu. 15:23.
Isi Filipu Abombile
IVIDIYO: Filipu Alimfumukisye umfule wa ku Etiopia
1. Ketelela IVIDIYO, pamo belenga Imbombo sya Batumiwa 8:30, 31. Ukufuma apo mwinong’onelepo amalalusyo aghakukongapo agha:
Ngimba Tukumanyilako Isyafiki kwa Filipu?
2. Linga tukufumusya mmasyu ghitu sikuya pakututula ukuti uyu tukumfumukisya ayeghe mwabuke nukuyoba aminong’ono ghake.
Tunkongeghe Filipu
3. Muketeghe muno ifindu fiyilile. Mubaghile ukumanya isyakuti mubombe linga muketile muno ikyeni kya mundu kikubonekela namuno ikuyobela. Ngimba umundu ikulonda naloli ukuyobesania nanumwe? Mubaghile ukwanda ukuyoba nawe mwakundalusya ukuti, “Ngimba musimenye ukuti . . . ?” Mutikulondiwa ukubafimbilisya abandu ukuti mubafumukisye linga batikulonda.
4. Muyeghe bololo. Ukufwana namuno ifindu fiyilile mungandagha ukumfumukisya umundu mwanakalinga. Mukulondiwa ukughulila akabalilo akanunu ukuti muyobesanie nawe mmasyu ghinu na ghinu. Isi sibaghile ukongelelapo ukwisakumfumukisya umundu pakabalilo kakukongapo aka mukwisa pakwaghana nawe.
5. Muchenjeghe mwanakalinga. Umundu abaghile ukuyoba ifindu ifi mukaghulilagha ukuti ikuya pakuyoba. Yonongwa yake mukulondiwa ukwitendekesya ukuyobesania isi umundu ikulonda nalinga sibaghile ukukindana na isi mwalitendekisye ukuti mukuya pakuyobesania nawe.
