FU̱DI GI ÑÄUI YÄ JÄꞌI
RÄ LECCIÓN 2
Mplatikaui yä jäꞌi
Näꞌä udi rä Mäkä Tꞌofo: «Xa mähotho näꞌä rä noya mhää ora xa ja mꞌe̱di» (Prov. 15:23).
Näꞌä bi me̱fi Felipe
1. Hyandi rä BIDEO o hñeti Hechos 8:30, 31. ꞌNepu̱ thädi nuya yä ntꞌani:
¿Te utkägihu̱ rä ejemplo Felipe?
2. Mu̱ gä honihu̱ rä modo de hanja gä mplatikahu̱ ko yä jäꞌi ꞌne dä me̱skägihu̱ rä komfiansa, hingä ma dä japi xä ñhei dä yꞌo̱xkägihu̱ ora gä predikabihu̱.
De̱mbäbi rä ejemplo Felipe
3. Te gi da ngue̱nda. Po näꞌä gi handi, ¿di nheki ge näꞌä zi jäꞌi ja rä ganä dä mplatika? Pa gi fu̱di gi ñäui de rä Mäkä Tꞌofo dä za gi ꞌñembäbi: «¿Nuꞌi ya ngi pädi ge. . . ?». Mu̱ gi handi ge hingi ne dä dädi, ya ote gi xipäbi.
4. Pe̱ꞌtsi rä pasensia. Ogi mbeni ge debe gi predikabi ꞌmestho. Mänꞌa dä hogi gi mplatikaui de märꞌa yä asunto ꞌne to̱ꞌmi asta xti nja nꞌa rä oportunida pa gi predikabi. Mu̱ hindä za näꞌä paꞌä, zäi ge asta mä nꞌa rä mꞌiki xki pengi.
5. Ñäui de näꞌä di ho dä bädi. Zäi ge rꞌabu̱ yä jäꞌi ma dä ne dä ñä de märꞌa yä asunto, hänge dä hogi gi jamäsu ora ñä pa gi pädi te tupäbi yä mu̱i ꞌne gi ñäui de geꞌä.
