گل بات شروع کرنا
اعمال 8:30، 31
سبق نمبر 2
گل بات دا عام طریقہ استمال کرو
اصول: صحی وقت تے کہی ہوئی گل کِنّی چنگی لگدی اے۔—امثال 15:23۔
فِلپّس دی مثال
1. ویڈیو ویکھو یاں اعمال 8:30، 31 نُوں پڑھو۔ فیر ایہناں سوالاں تے غور کرو:
اَسی فِلپّس دی مثال توں کیہہ سکھنے آں؟
2. جے اَسی عام طریقے نال گل بات کراں گے تے شاید دُوجا بندہ اسانی نال ساڈے پیغام نُوں سُنن لئی تیار ہو جائے۔
فِلپّس دی مثال تے عمل کرو
3. سُنن والے تے دھیان دَوو۔ اِک بندے دے چہرے دے تاثرات، انداز تے اشاریاں توں اوہدے بارے بوہت کجھ پتہ چل سکدا اے۔ ایہناں چیزاں تے غور کر کے تُسی جائزہ لے سکدے او کہ کیہہ اوہ تواڈے نال گل کرنا چاہندا اے یاں نئیں۔ تُسی اِک چھوٹا جیہا سوال پچھ کے بائبل دی کسے سچائی بارے اوہنوں دَس سکدے او، جیویں کہ ”کیہہ توانوں پتہ اے . . . ؟“ اوس بندے نال زبردستی گل نہ کرو جیہڑا تواڈے نال گل نئیں کرناچاہندا۔
4. صبر نال کم لوو۔ ایہہ نہ سوچو کہ توانوں فوراً ای بائبل توں گل شروع کر دینی چاہی دی اے سگوں صحی موقعے دا اِنتظار کرو تے گلاں گلاں وچ بائبل دے کسے موضوع دا ذکر کرو۔ کدی کدار اِنج کرن لئی توانوں اگلی ملاقات دا وی اِنتظار کرنا پے سکدا اے۔
5. صورتحال مطابق گل نُوں ڈھالو۔ اکثر اَسی بائبل دے کسے اِک موضوع تے گل کرن لئی تیاری کر کے جانے آں۔ پر ہوسکدا اے کہ جدے نال تُسی گل کر رہے او، اوہ اچانک گل بات دا رُخ موڑ دَوے۔ اوس ویلے اوس موضوع مطابق اپنی گل نُوں ڈھالن لئی تیار رہوو تاکہ تواڈے سُنن والیاں نُوں فائدہ ہووے۔
ایہناں ایتاں نُوں وی ویکھو:
واعظ 3:1، 7؛ 1-کُرنتھیوں 9:22؛ 2-کُرنتھیوں 2:17؛ کُلسّیوں 4:6
