CUINTANUNARA CALLARI
LECCIÓN 2
Can gustu rimaushcasna rimai
Bibliamanda iyai: “¡Yapa ali gustumi ministirishca huraspi rimashca shimi!” (Prov. 15:23).
Felipe rurashca
1. VIDEORA ricui o Hechos 8:30, 31 leai. Huasha catij tapuigunamanda riparasha iyari:
¿Imara Felipemanda yachanchi?
2. Can gustu rimaushcasna rimajpi uyaj runa ganaslla sintingachari Diospa Shimira gustu cuintanunungaj.
Felipe rashcasna rurai
3. Ali riparaj ai. Shu runamanda ashcara yachana ushangui pai imasna shayarinara, cuyushcara, paihua ñahui imasna ricurinaras ricusha. ¿Pai canhua cuintanuna munai charishcara ricuchinzhu? Bibliamanda sirtu shimira can yachachina ushangui cai tapuira rurashalla: “¿Can turmindarinaunamanda Yaya Dios sintishcara yachanguichu?”. Mana cuintanuna munajpi paihua ama cuintasha catichu.
4. Unaira chapaj shungu ai. Ama iyaringuichu callarishcai Bibliamanda dsaslla rimana ashcara. Bibliamanda gustu cuintanuna huras llucshingagama chapangui. Huaquimbi, huasha cuti chi runahua cuintanunagama chapana angachari.
5. Uyauj ministishcamanda rimai. Can mana iyashcamanda uyauj rimasha callaringachari. Shinajpi cai runa ministishcasna gustu iyaira rimangaj ursaringui, Bibliamanda shu temara camba iyaibi charishcara turcachina ajpis.
