RIMAYTA QALLARIY
2 YACHACHIKUY
Rimasqaykiman jinalla rimay
Bibliapin nin: “¡May allinmi tiempollanpi rimasqa simiqa!”, nispa (Prov. 15:23).
Felipeq imachus ruwasqan
1. VIDEOTA qhaway otaq leey Hechos 8:30, 31 textota. Jinaspa qatimuq tapuykunapi yuyaymanay:
¿Imatan yachasunman Felipeq imayna yachachisqanmanta?
2. Sichus rimasqanchisman jinalla rimasun chayqa, yaqapaschá runakunaqa uyarikuyta munanqaku.
Felipeq ruwasqanta jina ruway
3. Allin reparaq kay. ¿Imatan uyariqniykiq uyanpi reparanki? ¿Rimayta munaq jinachu kashan? Facil-llata Bibliamanta willanaykipaqqa kaytan tapuwaq: “¿Yacharqankichu…?”, nispa. Rimayta mana munaqtaqa ama mat’ipayaychu.
4. Pacienciakuq kay. Manan qallariymantapachapunichu Bibliamantaqa rimanayki. Suyay ima ratupis rimanaykipaq allin kanman chayta, jinaspa rimasqaykiman jinalla Bibliamanta rimay. Mana chay kutipi Bibliamanta rimankichischu chayqa, yaqapaschá juj p’unchayña Bibliamantaqa rimanayki kanqa.
5. Rimayta munasqanmanta rimay. Yaqapaschá rimashasqaykichisqa jujman pasarapunman. Piensasqaykiman jinalla rimanaykimantaqa imachus uyariqniykita llakichishan chayman jina rimay.
QHAWALLAYTAQ
Ecl. 3:1, 7; 1 Cor. 9:22; 2 Cor. 2:17; Col. 4:6 textokunata.
