PROMIÉ DISKUSION
LOSON 2
Lès la diskusion koul tousèl
Prinsip la Bib : « In bon ti kozé k’i tonb kom k’i fo, lé bien gayar ! » (Prov 15:23).
Sak Filip la fé
1. Rogard la VIDÉO oubien lir Akt 8:30, 31. Aprésa réfléchi su bann kèstion i vien apré.
Rotien sa
2. Pou ké lo moun lé alèz é lé dakor pou kozé, lès la diskusion koul tousèl.
Fé parèy Filip...
3. Rogard bien. Nou apran bonpé zafèr dési in moun kan nou oi son figur é son bann manièr. Èské lo moun la anvi d’kozé ? Ou pé tourn la diskusion dési la Bib, d’in fason sinp komsa : « Èské ou té koné ké… ? » Si ou san lo moun i vé pa tro kozé, alor fors pa li.
4. Travay la pasians. Pa bézoin rod koz toutsuit dési la Bib. I vo mié atand in bon lokazion arivé. É nadfoi, sra rienk dan in prochin diskusion.
5. Chanj diskusion si i fo. É si lo moun i koz dési in not sujé ? Suiv ali é koz dési sak i intérès ali. Rès pa kalé rienk su out lidé.
