VAREKAHA CHUDES E DUMA
LEKCIJA 2
Rozmišľin kana a so te phenel
O tekstos, savo amen ľidžal: „Sar mište perel le manušeske o lačho lav, savo hino phendo akor, sar les čačes kampel!“ (Prisl. 15:23)
O Filip oda kerelas avka
1) Dikh tuke o VIDEJO abo pregen Skutki 8:30, 31. Paľis tuke rozkide kala otazki:
So sikhľuvas le Filipostar?
2) Vaker le manušeha sar le phraleha a rozmišľin kana a so leske pheneha. Paľis koda manuš tuha rado vakerela a šaj tuha vakerela the pal o Del.
Ker avka sar o Filip
3) Dikh pre leste. Dikh, savo muj kerel, sar terďol, sar pre tute dikhel. Dičhol, hoj akana kamel te vakerel? Pal e Biblija šaj chudes te vakerel avka, hoj phučeha: „Džanenas, hoj...?“ Te vareko na kamel te vakerel, ma ispide pre leste.
4) Použar. Na mušines takoj te vakerel pal o čačipen. Použar, kana oda ela nekfeder a pasinela oda. Varekana šaj el avka, hoj pheneha pal o Del až akor, sar aveha ko manuš dujtovar.
5) Šun, so phenel a pal oda vaker. O manuš šaj chudel te vakerel pal varesoste, so na užarehas. Vaker pal oda, so ov kamel, the te tu kamehas te vakerel pal varesoste avreste. A te pes del, sikav leske ke oda varesavo šukar tekstos andal e Biblija.
MEK TUKE DIKH
Kaz. 3:1, 7; 1. Kor. 9:22; 2. Kor. 2:17; Kol. 4:6
