POČMIN O RAZGOVOR
LEKCIJA 2
Ov prirodno
Načelo: Kobor tano šukar o lafi vaćerdo ko pravo vreme (Posl. 15:23)
So o Filip ćerđa?
1. Dikh o VIDEO ja čitin Dela apostolska 8:30, 31. Palo odova, razmislin ando akala pućiba:
So sikljovaja ando Filip?
2. Ako mukhaja o razgovor prirodno te đal, najverovatno i osoba ka ovel poopušteno hem ka mangel te šunel odova sostar vaćeraja.
Oponašin e Filipe
3. Razmislin ando manuša. Šaj but buća te saznajine andi disavi osoba kotar odova sar terđola, save gestija isi la hem save izrazija ko muj ćerela. Da li izgledini tuće so akija osoba mangela te vaćeri tuvaja? Šaj te počmine te vaćere diso andi Biblija ađahar so jednostavno ka puće: „Da li đaneja so. . . ?“ Ma ćhiv silaja nekas te vaćeri tuvaja ako ov na mangela.
4. Ov strpljivo. Ma mislin so odmah mora te počmine te vaćere andi Biblija. Ađićer pravo trenutko ked ka počmine te vaćere odolestar. Disavo puti, šaj ka valjani te ađićere aver prilika te vaćere e osobaće diso andi Biblija.
5. Ov prilagodljivo. Šaj i osoba ka phenel diso so na očekujinđan. Tegani, ov spremno te vaćere olaja ando odova so ka značini laće, čak iako tu mangljan te vaćere ando diso aver.
