Σο Κερντάς ο Φίλιππος

Σο Σικλιάσα Κατά Φίλιππος;

2. Άμα συνεχίνασα ι συζήτηση με φυσικός τρόπος, ο τζενό κα νιωθίνελ πο άνετα ντα κα μανγκέλ τι ασουνέλ ο λατσσέ αμπέρια.

 Μοιάζεν κο Φίλιππος

3. Τι αβέν παρατηρητικοί. Μπορίνενα τι σικλιόν μπουτ εκχέ τζενέσκε κατά τρόπος σο μπεσέλα ντα ντικχέλα-τουμέν, κατά χειρονομίες σο κερέλα ντα κατά εκφράσεις σο κερέλα πι μόσαρ. Ντικχίντιβελα ότι ντέλα ι τζενέσκο γκι τι κερέλ τουμέντζαρ λάφι; Για τι αρχίνεν εκ συζήτηση κατά Γραφή, μπορίνενα απλώς τι πουτσέν: «Τζανέας ότι... ;» Μα ζορισκιαρέν εκχέ τζενές τι συζητίνελ τουμέντζαρ άμα να μανγκέλα.

4. Τι κερέν υπομονή. Μα νιωθίνεν ότι πρέπει τι βακερέν αμέσως κάτι κατά Γραφή. Τι μπεκλεντίνεν τι αβέλ η σωστή στιγμή για τι αβέλ-πες ανταβά με φυσικός τρόπος. Μπάζιμ, μπέκιμ τι χρειαζίντιβελ τι μπεκλεντίνεν για τι πουτρέν ι Γραφιάκε ι γιαβέρ φαρ σο κα κερέν λάφι ι τζενέσαρ.

5. Τι αβέν έτοιμοι τι αλλάνεν τουμαρό θέμας. Ο τζενό μπορεί τι αρχίνελ τι κερέλ λάφι εκχέ θεμάσκε σο να μπεκλεντίνενας. Οντουλέσκε, τι αβέν έτοιμοι τι κερέν λάφι εκχέ πραγμάσκε σο μανγκέλα τι συζητίνελ ο τζενό. Ανταβά μπέκιμ τι μανγκέλα τι βακερέλ ότι κα κερέν λάφι εκχέ γιαβερέ θεμάσκε κατά Γραφή οντουλέσταρ σο τθερένας τουμαρέ γκοντιάτε.