ASTAR TE DES DUMA
SICAIMOS 2
De duma naturalo
So phenel i Biblia: „Chichi de lași si iech duma phendi atunci cana trebul!” (Prov. 15:23)
So cărdea o Filip
1. Dich o MATERIALO VIDEO sau citisar Fapte 8:30, 31. Pala codoia șiu tuche le pușimata cai aven:
So sichioas catar o Filip?
2. Cana mechas ca i duma te jial naturalo, va avela mai ușoro anda o manuș casa das duma te simțol-pe mișto hai te camel te așunel so phenas lesche.
Cher so cărdea o Filip
3. Av atento ca sea le buchia. Daștis te prinjianes but buchia anda o manuș dacă san atento ca sar phiravel-pe, ca so cherel sau ca so dichiol-pe pe lesco mui. Camel o manuș te del duma tusa? Daștis te astares te sicaves lesche iech ciacimos bibico hai te pușes-les: „Jianglea că . . . ?”. Na de chi zor te des duma varecasa cai ci camel te așunel-tu.
4. Na sighiar. Na sighiar te des duma sigo andai Biblia. Ajucăr o mai lașio momento. Poiechdata, cadaia daștil te însemnol te ajucăres ji i duito data cana va avela te mai des duma codole manușeia.
5. Cher paruimata. Daștil-pe că o manuș astarel te del duma anda vareso saveste ci ajucărdean-tu. Cadea că av gata te phenes iech sicaimos cai daștil te ajutil le manușes, chiar cana cadaia însemnol te des duma anda iech aver ciacimos biblico sar codo cai sas ande chi goghi.
