TOMESANI MAKANI
NSOLO 2
Longani Mwacibaliro
Bhibhlya isalonga: “Fala inalongwa pa ndzidzi wakuthema ndi yadidi kakamwe!”—Mis. 15:23.
Filipi Acitanji?
1. Onani VIDHYU, peno lerini Mabasa 8:30, 31. Buluka penepo onani mibvundzo iyi:
Tisapfundzanji na Pidacita Filipi?
2. Tingacedza mwacibaliro, pinakhala pyakukhonda nentsa kuna munthu kukhala wakusudzuka toera kubva mphangwa zathu.
Towezerani Filipi
3. Onani mwadidi. Tinakwanisa kudziwa pizinji thangwi ya munthu tingaona majesto anacita iye na maonekero a nkhope yace. Kodi iye asapangiza cifuno cakucedza na ine? Imwe munakwanisa kutoma kucedza na munthu thangwi ya Bhibhlya, basi ene mungancita mbvundzo ninga uyu: “Kodi imwe musadziwa kuti . . . ?” Calirani kukakamiza munthu kuti acedze na imwe khala iye nee asafuna.
4. Khalani wakupirira. Lekani kunyerezera kuti musafunika kucedza na munthu thangwi ya Bhibhlya mwakucimbiza. Dikhirani ndzidzi wakuthema toera kulonga munjira yadidi. Pyenepi pisabveka kuti midzidzi inango mphyadidi kudikhira mpaka ulendo unango unafuna imwe kucedza na munthu unoyu.
5. Cinjani makani. Panango munthu anatoma kulonga pinthu pyakuti nee mukhapidikhira. Natenepa khalani wakukhunganyika toera kulonga mphangwa zakuti munthu anakomerwa nazo, maseze zikhale mphangwa zakusiyana na zikhadakhunganyika imwe.
