HASAAWA HANAFA
ROSO 2
Mannu Hasaawe Galino Garinni
Xintu seera: “Yannasira coyiˈnoonni coyi hiittoo danchaati!”—Law. 15:23.
Filiphoosi Assinore
1. VIIDIYO laˈe; woy Soqqamaasinete Looso 8:30, 31 nabbabbe. Hakkiinni, aante noo xaˈmuwa hiince:
Filiphoosi Assinorinni Maa Ronseemmo?
2. Hasaawu mullanka sufanni haˈranno gede assineemmoha ikkiro, hasaawinseemmo manni wodanaaˈme macciishsharanna yineemmoreno adhara dandaanno.
Filiphoosi Faale Hadhe
3. Xiinxalloota ikke. Mittu manchira albanna bisu millimillosi laˈine isi daafira lowore wodanchitinara dandiitinanni. Manchu hasaawa hasiˈranno gedeeho? Qullaawu Maxaafi hasaawa hanafate, haransitine “Ati . . . afootto?” yitine xaˈma dandiitinanni. Mittu manchi hasaawa hasiˈrannokkiha ikkiro, hasaawanno gede okka dihasiissanno.
4. Cincaaleeyye ikke. Bayichonkonni Qullaawu Maxaafire hasaawa hasiissannoˈne yaa diˈˈikkino. Togoo hasaawira maltino yanna iillita geeshsha cincitine agarre. Mito woyite, konni manchi ledo Qullaawu Maxaafire hasaawa dancha ikkitannohu wirro xaaddinanni woyite ikkara dandaanno.
5. Hasiisannoha ikkiro, hasaawa soorre. Hasaawu heddinoonnikki widira hige haˈrara dandaanno. Hakko daafira, hasaawissinoonni manchira kaaˈlannore coyiˈrate woˈnaalle. Tenne assate, kiˈne heddinoonnire agurtine wole Qullaawu Maxaafi halaale kula hasiissannoˈneha ikkara dandaanno.
