AMATAINA O SE TALANOAGA
LESONA 2
Talanoa e Pei Ona Masani Ai
Mataupu silisili: “E maʻeu le matagofie o le upu e fai i le taimi talafeagai!”—Faata. 15:23.
Mea na Faia e Filipo
1. Ia matamata le VITIŌ, pe faitau le Galuega 8:30, 31, ona manatunatu lea i fesili nei:
O le ā e Tatou te Aʻoaʻoina Mai iā Filipo?
2. Pe afai e amata ma faaauau se talanoaga e pei ona tatou masani ai, e ono aveesea ai le popole o le tagata ma fia talanoa ai i le feʻau o le Tusi Paia.
Faaaʻoaʻo iā Filipo
3. Ia mataalia. E mafai ona e iloa le tele o mea e faatatau i se tagata, e ala i ana tāga ma ona foliga vaaia. Po o fia talanoa mai le tagata iā te oe? E mafai ona e faailoa atu se upu moni o le Tusi Paia i le tau lava o le fesili atu, “Pe na e iloa . . . ?” Aua e te taumafai e fai se talanoaga ma se isi e lē o fia talanoa.
4. Ia onosaʻi. Aua neʻi e manatu e tatau lava ona amata se talanoaga i le faailoa atu o se upu moni o le Tusi Paia. Ia faatali mo se avanoa lelei, ona faailoa atu lea o lenā upu moni i se auala e pei ona masani ai. O nisi taimi atonu e manaʻomia ona e faatali seʻia oo i le isi talanoaga.
5. Ia fetuutuunaʻi. Atonu e talanoa mai le tagata i se mataupu e te leʻi faatalitalia. O lea, ia nofosauni e faasoa atu se manatu mai i le Tusi Paia e fetaui ma le tagata, e tusa lava pe e ese mai i le mataupu na e sauni i ai.
