NIS NJË BISEDË
MËSIMI 2
Natyrshmëri
Parimi: «Një fjalë në kohën e duhur, oh, sa e mirë është!»—Prov. 15:23.
Çfarë bëri Filipi?
1. Shih VIDEON ose lexo Veprat 8:30, 31. Pastaj mendo për këto pyetje:
Çfarë mësojmë nga Filipi?
2. Nëse lëmë që biseda të rrjedhë natyrshëm, bashkëbiseduesi mund të ndihet më rehat dhe mund të jetë më i gatshëm ta dëgjojë mesazhin tonë.
Imito Filipin
3. Ji vëzhgues. Shprehjet e fytyrës, gjestet dhe pozicioni i trupit mund të tregojnë shumë për dikë. A duket se ka dëshirë të bisedojë me ty? Për t’i treguar diçka nga Bibla, mund t’ia nisësh me një pyetje të thjeshtë, si: «A e di se . . . ?» Mos u përpiq të bësh me zor një bisedë me dikë që nuk ka dëshirë të flasë.
4. Ji i duruar. Mos u ndiej sikur duhet ta drejtosh sa më shpejt muhabetin te diçka nga Bibla. Prit të krijohet mundësia e duhur që të flasësh natyrshëm për këtë. Ndonjëherë mund të duhet të presësh deri në bisedën tjetër.
5. Ji i gatshëm të përshtatesh. Mund të ndodhë që biseda të marrë një kthesë të papritur. Prandaj ji i gatshëm t’i tregosh bashkëbiseduesit diçka që i vlen atij, edhe nëse kjo kërkon të flisni për një të vërtetë tjetër, jo për atë që kishe në mendje.