HA O QALA MOQOQO
THUTO YA 2
Qoqa ka Dintho Tse Tlwaelehileng
Keletso ya Bibele: “Lentswe le buuwang ka nako e nepahetseng le molemo haholo.”—Diprov. 15:23.
Filipi o Ile a Etsang?
1. Shebella VIDEO kapa o bale Diketso 8:30, 31 ebe o araba dipotso tse latelang:
Re ka Ithutang Mohlaleng wa Filipi?
2. Haeba re iqoqela le motho ka dintho tse tlwaelehileng, o tla kgona ho phutholoha mme a thabele ho mamela molaetsa wa Bibele.
O ka Etsisa Filipi Jwang?
3. Sheba motho eo o batlang ho qoqa le yena. Ho sheba motho mahlong ho tla o thusa hore o hlokomele hore na o batla ho bua le wena kapa tjhe. Na ho bonahala eka a ka thabela ho qoqa le wena? Haeba o batla ho kenyeletsa molaetsa wa Bibele moqoqong wa lona, o ka re ho yena: “Na o ne o tseba hore . . . ?” Ha o bona hore ha a batle ho bua le wena, mo tlohele.
4. Eba le mamello. O se ke wa potlakela ho bua le motho ka Bibele. Tswela pele o qoqa le yena ho fihlela ho hlaha monyetla wa hore o kenyeletse molaetsa wa Bibele o amanang le seo le ntseng le bua ka sona. Haeba o sa kgona ho bua le yena ka Bibele, o ka leka hape nakong e tlang.
5. Fetoha le maemo. Motho eo o qoqang le yena a ka bua ka ntho eo o sa e lebellang. Ha seo se etsahala, leka ho bua ka molaetsa wa Bibele o amanang le taba eo a buang ka yona le hoja o ne o sa rera ho bua ka taba eo.