AITEGEAR EINER
AISISIAET NA 2
Kocamak Einer Alele
Aicoretait: “Ejok ca ma akirot nainerai—kapakike naebeit!”—Awa. 15:23.
Nuabu Pilip Kiswama
1. Kosesen EBIDIO, arai bo kosiom Aswamisio 8:30, 31. Kosodi abongokin aingiseta nuetupakinete:
Anyoika bo Nuisisiauni Oni Kaneejai Pilip?
2. Arai kicamak oni einer alele ejok, isipedorete ngun itunganan ailajaara einer keda oni ka acamun apupokin akiro nukajokak.
Koputo Pilip
3. Okapakina aitwasam nuiwany ijo. Ipedori ijo aisisiaun nuipu kopone loejaar itunganan ereeteke ka epone loesubanakinor ngesi. Esubit kereka itunganan ngin bala ecamunit einer kajo? Ipedori ijo aitegear einer adiokiro nuka Obaibuli kopone loka aingit ngesi, “Ijeni keraka ijo ebe . . . ?” Mam ibuikini einer keda itunganan yenimam ekot einer kajo.
4. Korai yenititingikinit. Mam iwomit ebe ibusakinit ijo arasakin einer akiro nuka Ebaibuli. Idarek apak naibecokina kanu ijo aimor kitunganan akiro nukajokak. Acepak eraun ijo aidarakin itoni nainerakinotor yesi bobo.
5. Okapakina aijulakin akirokon. Epedori itunganan einer akiro nuegelara kaneejaasi nuitemokinit ijo einer kanges. Aso, okapakina aimor keda nges akiro nuepodokinit ngesi karaida ekotokinos ngun ijo aijulakin akiro nusek itemokinit ijo.
