Sawo dionge woho watosawolaka anto

MPOKAMƐ LO

Tɔndɔ: “Dui diotami lo etena kahombama diekɔ dimɛna efula!”—Tok. 15:23.

Kɛnɛ kakasale Filipɛ

VIDƐO: Filipɛ asambisha ɔlɛnga w’ose Etiyɔpiya

1. Enda VIDƐO kana adia Etsha 8:30, 31. Oma laasɔ, kana yimba lo ambola wayela anɛ:

Ngande wakatatɛ Filipɛ sawo?
Lande na kaki yoho shɔ yoho ya dimɛna ya ntatɛ sawo ndo ngande wakayoosambishaka Filipɛ dui dimɔ di’oyoyo?

Wetshelo akɔna wakondjaso oma le Filipɛ?

2. Naka sho ntatɛ sawo woho wokotosawolaka l’anto, kete onto ayoleka ndjaoka dimɛna ndo ayetawɔ losango laso.

Okoya Filipɛ

3. Sɛdingolaka. Wɛ koka mbeya awui efula wendana l’onto lo menda ɛnamelo kande, tɔjɛstɛ ndo elungi kande. Onde onto akɔ mbetawɔka sawola la yɛ? Wɛ koka ntatɛ sawo di’awui wa lo Bible lo mimbola tsho ɔnɛ: “Onde wɛ mbeyaka dia . . . ?” Totshutshuyake onto lahalange nsawola la yɛ dia nyu nsawola la wolo.

4. Onga la solo dia lotutsha. Aha paka mbala kakɔ ɔtɔi ko wɛ ntɛkɛta dui di’oma lo Bible. Konga etena kahombama dia wɛ ndjosala dui sɔ dimɛna. Tena dimɔtshi, kɛsɔ koka nɔmba dia wɛ ndjodisala mbala kayaye.

5. Yaɔtɔnganyiyaka. Onto koka mengesola sawo tsha lo dui diahayalongame. Laasɔ, onga suke dia mbewoya dui dimɔtshi diele ohomba le onto akɔ oyadi diɔ ntshikitana la nɛ diele la yɛ lo yimba.

ENDA NDO LO

Ond. 3:1, 7; 1 Kɔr. 9:22; 2 Kɔr. 2:17; Kɔl. 4:6

TOKE ANTO NGANDJI—NDO TOWAETƐ AMBEKI