KUTALISYA MUBANDI
CIIYO 2
Kukanana Mbomukanana Lyoonse
Njiisyo: “Ijwi lyaambwa aciindi ceelede, eelo kaka ndibotu kapati!”—Tus. 15:23.
Ncaakacita Filipo
1. Amweebelele VIDIYO, naa kubala Milimo 8:30, 31. Mpoonya mubandike mibuzyo iitobela:
Ncinzi Ncotwiiya Kuli Filipo?
2. Kuti mubandi wazumanana kakunyina kunyonganizyigwa, eeci cilakonzya kupa muntu kulikwaya alimwi akuzumina kuswiilila mulumbe wesu.
Amumwiiye Filipo
3. Amubikkile maano kubukkale. Mulakonzya kwiiya zinji kujatikizya muntu kwiinda mukulanga mbwalibonya kubusyu, mbwatambaika alimwi ambwakkede naa mbwaimvwi. Sena muntu ooyo ulibonya kuti uliyandide kubandika andinywe? Mulakonzya kumwaambila kasimpe kamu Bbaibbele kwiinda mukumubuzya kuti, “Mwati mulizyi kuti . . . ?” Mutanoosinikizyi kubandika amuntu uutayandi.
4. Amukkazike moyo. Mutalimvwi kuti mweelede kubandika kasimpe kamu Bbaibbele mpoonya-mpoonya. Amulindile kusikila aciindi ceelede. Zimwi ziindi, eeci caamba kuti mweelede kulindila kusikila ciindi ciboola nomuyoobandika amuntu ooyo.
5. Amucince-cince kweelana abukkale. Mubandi ulakonzya kucinca cakutayeeyela. Amulibambile kwaamba kaambo ikamujatikizya muntu, nokuba kuti eeci inga caamba kubandika kasimpe kamu Bbaibbele kaindene akaako nkomwalibambilide.
