Saanguna Kuzuwa Kutanakambawuka

LIZYA

Malayilile: “Ijwi lyaambwa aciindi ceelede, eelo kaka ndibotu kapati!”—Tus. 15:23.

Nzyaakachita Filipi

KAVIDIYO: Filipi Ulikukambawukila Nkume-nkume yaku-Itopiya

1. Yebela KAVIDIYO naakuti ubale Milimu 8:30, 31, mpawo ulange-lange mibuzyo iitobela:

Filipi wakasaanguna biyeni kwaambuuzyania aankume-nkume yaku-Itopiya?
Niinzi nzyaakachita Filipi kuti asaangune kwaambuuzyania aamwaalumi wakali nkume-nkume akuti amuyiisye kasimpe?

Twiiyaanzi Kuzwa Kuli Filipi?

2. Kuti twasaanguna kuzuwa aamuntu katutanamukambawukila, zilapa kuti aangunuke akuti aswiilile chiindi nitwayanda kumukambawukila.

Tobelezya Filipi

3. Langisisya. Nzyalikuchita kumeso muntu nguyanda kukambawukila, zilakonzya kukutondeezya zyiingi atala anguwe. Muntu ooyo, ubonekaanga ulayanda na kwaambuula aanduwe? Ulakonzya kusaanguna kwaambuulaawe atala azintu zyamuBbayibbili kwiinda mukumubuzya kuti, “Mwalizi na kuti . . . ?” Kuti katayandi kwaambuula aanduwe, utamusungilizyi pe.

4. Baamoyo mulamfu. Utabonaanga weelede kukambawukila muntu atala amakani aamuBbayibbili mpawaawo-mpawaawo. Lindila chiindi chilikabotu chakuti muzoosaangune kwaambuuzyania atala amakani aamuBbayibbili. Chimwi chiindi ulakonzya kulindila kusikila muzoobonane lubo amuntu ooyo.

5. Chincha-chincha. Muntu ulakonzya kwaambuula atala achintu nchwaatali kuyeeyela. Nkinkaako, mubuzye atala amakani aamugwasya muntu ooyo nikuba kuti nga waabumukambawukila zintu zisiyene anzwaalibambilide.

ALUBO LANGA

Muk. 3:1, 7; 1 Kor. 9:22; 2 Kor. 2:17; Kol. 4:6

YANDA BANTU—GWASYA BANTU KUTI BABE BASIKWIIYA