KUTANDIKA KUBAZA N’OMUNTU
ISOMO 2
Baza omu Mulingo Ogwa Buli Kiro
Omusingi: “Ekigambo ekirukugambwa nambere kisemeriire nikisisana nkamapera gezabu omu bigega byefeza.”—Nfu. 25:11.
Omulingo Filipo Yakikozeremu
VIDIYO: Filipo Atebeza Omunyaisyopiya
1. Rora VIDIYO, rundi soma Engeso Ezabakwenda 8:30, 31. Hanyuma ogarukemu ebikaguzo binu:
Kiki Ekiturukwegera Hali Filipo?
2. Obuturabaza omu mulingo ogwa buli kiro, nikiija kwanguhira outurukubaza nauwe kuhurra atekaine kandi naija kugonza kuhuliiriza obutumwa bwaitu.
Yegera Hali Filipo
3. Wetegereze ebirukukwata ha muntu. N’osobora kumanya omulingo omuntu arukwehurramu kakuba omurora h’amaiso rundi oyetegereza omulingo arukukozesaamu ebicweka bye eby’omubiri. Mali n’agonza kubaza naiwe? N’osobora kutandika kumutebeza obu n’omukaguza oti: “Obaire okimanyire ngu . . . ?” Wetantale kuhambiriza kubaza n’omuntu atarukugonza kubaza.
4. Gumiisiriza. Otatekereza ngu osemeriire kugira ekiwabazaaho kuruga omu Baibuli ahonaaho. Lindirra akasumi akahikire nukwo okibazeeho omu mulingo ogwa buli kiro. Obwire obumu, nikisobora n’okukwetaagisa kulinda kuhikya obworayongera kubaza n’omuntu ogu.
5. Hinduramu. Omuntu n’asobora kutandika kubazaaho ebintu ebyobaire otarukunihira. Nahabweki ikara oyetekaniize kumusomera ekyahandiikirwe ekirukukwataho ebyabalize n’obukiraaba ngu obaire otekaniize ekintu kindi.
