ЧУГААНЫ ЭГЕЛЕҢЕР
КИЧЭЭЛ 2
Анаа хостуг алдынары
Библейжи дүрүм: «Чогуур үезинде сөглээн сөс эки-ле!» (У. ч. 15:23).
Филипп чүнү кылып турган?
1. ВИДЕОНУ көрүңер азы Ажыл-чорудулга 8:30, 31 номчуптуңар. Дараазында айтырыгларның дугайында боданыңар:
Филипптен чүнү өөренип алыр бис?
2. Чугааны ала-чайгаар эгелээр болза, кижи библейжи медээни күзелдии-биле дыңнап, бодун хостуг миннир.
Филиппти өттүнүңер
3. Эскериичел болуңар. Кижиниң арнының, холдарының имнээшкиннери болгаш канчаар туруп алганы хөйнү чугаалап турар. Ол кижи силерниң-биле чугаалажырынга белен бе? Ийе болза, кандыг-бир библейжи бодалды үлежирин шенеп көрүңер. Ону кылырда, «А силер дыңнаан силер бе...» деп сөстер-биле эгелеп ап болур. Дыңнаксавайн турар болза, чугааны улаштырган херээ чок.
4. Шыдамык болуңар. Дораан Библияже шилчивеңер. Ол чүүл ала-чайгаар боор кылдыр, эптиг үени манап алыңар. Чамдыкта ол эптиг үе дараазында бооп болур.
5. Дыңнакчыңның сонуургалын детки. Чугаа хенертен өскерли берип болур. Ынчангаш Библиядан бир тема белеткеп алган болзуңарза, ол кижиниң сонуургаан темазын чугаалажырынга белен болуңар.
