POKU FETIKA OMBANGULO
OCIPAMA 2
Vangula Ndomo wa Siata Oku Vangula
Ocisonehua: “Ondaka yi popiwa votembo ya sokiyiwa, yiwa calua!—Olosap. 15:23.
Ceci Filipu a Linga
1. Tala OVIDEO, ale tanga Ovilinga 8:30, 31. Noke tambulula apulilo a kuãimo:
Nye tu Lilongisila ku Filipu?
2. Nda tu sapela ndomo tua siata oku vangula, cecelela okuti omunu wa sangiwa o lianja kuenda o lekisa onjongole yoku yevelela esapulo lietu.
Setukula Filipu
3. Kala ukuakululuvala lutate. O pondola oku kũlĩha catiamẽla komunu umue poku luluvalela konjila ndomo a limolẽhisa, kolondimbukiso vioku ilaka kuenda kolondimbukiso vio pupolo waye. Anga hẽ omunu waco o lekisa okuti o kuete onjongole yoku sapela love? Oco o fetike oku vangula ocili cimue Cembimbiliya, citava okuti o pula lika ndoco: “Ove hẽ wa kũlĩha okuti . . . ?” Yuvula oku kisika oku sapela lomunu nda ka yongola oku vangula.
4. Kala ukuepandi. Ku ka sime okuti o sukila oku vangula lonjanga yalua catiamẽla Kembimbiliya. Kevelela epuluvi lia sunguluka, oco o kunde esapulo Liembimbiliya ndomo wa siata oku vangula. Eci ci lomboloka okuti pamue o sukila oku kevelela toke eci o ka sapela lomunu waco onjanja yikuavo.
5. Kala ukuakulinga apongoloko. Pamue omunu o fetika oku vangula ovina kua lavokaile. Omo liaco, lekisa onjongole yoku sapela lomunu catiamẽla ketosi limue li kuete esilivilo kokuaye, ndaño okuti ove o vangula ocina ca litepa leci wa pongiyile.
