A VWỌ TON OTAẸTAKUẸGBE PHIYỌ
UYONO 2
Ni Ẹdia rẹ Ohwo na Hepha Vwo Nene ta Ota
Odjekẹ ri Baibol: “Ubiota rọ shamu —mavọ oyovwi te!”—Isẹ 15:23.
Obo ri Filip Ruru
1. Ni IVIDIO na, yẹrẹ se Iruo rẹ Iyinkọn Na 8:30, 31, rere ovwan ta ota kpahen enọ ri nenire:
Die Yen Avwanre Yono Mie Filip?
2. Avwanre da ta ota vwo nene ẹdia rẹ ohwo na hepha, ọ sa nẹrhẹ ẹwẹn rẹ ohwo na te otọ ji vwo owenvwe rọ vwọ kerhọ vwọ kẹ ovuẹ rẹ avwanre.
Vwẹrokere Filip
3. Dia ohwo ro nẹ emu sua. Wo se yono erọnvwọn buebun kpahen ohwo womarẹ emudia, echidiotọ yẹrẹ ugboma rọyen vẹ obo ro ruẹ opharo wan. Ohwo na ghene guọnọ nene uwe ta ota kugbe? Wọ sa ta ota kpahen orọnvwọn ọvo vwẹ Baibol na, womarẹ wọ vwọ nọ onọ kerẹ, “Wọ riẹnre nẹ . . . ?” Wọ gba ohwo ta ota kẹ-ẹ.
4. Vwo odirin. Wo ghwe no nẹ ọyen obo ri fori wọ vwọ tonphiyọ ugege yena vẹ eta ri Baibol na-a. Hẹrhẹ ọke ro shephiyọ tavwen wọ ke vwọ phia. Ọkiọvo, ọnana se mudiaphiyọ nẹ wọ cha hẹrhẹ te ọke ọfa wẹ vẹ ọyen vwọ ta ota kugbe.
5. Dia ohwo rọ nuẹ. Ohwo na sa ta ota kpahen orọnvwọn rẹ wo rhẹro rọye-en. Ọtiọyena, gba ta ota kpahen emuọvo ro che fierere kẹ, ọ da tobọ dianẹ wo che wene ota rẹ wo vwo vwẹ ẹwẹn jovwo.
