PAGTIKANG HA PAKIISTORYA
LEKSYON 2
Pagin Natural
Prinsipyo: “An pulong nga ginyakan ha husto nga panahon—kaopay gud hito!”—Prob. 15:23.
An Ginbuhat ni Felipe
1. Kitaa an VIDEO, o basaha an Buhat 8:30, 31. Katapos, batona an masunod nga mga pakiana:
-
Paonan-o gintikangan ni Felipe an pakiistorya?
-
Kay ano nga natural ito nga paagi ha pagtikang ha pakiistorya ngan pagsumat hin bag-o nga kamatuoran hito nga tawo?
Ano an Aton Mahibabaroan kan Felipe?
2. Kon tutugotan naton nga magin natural an dalagan han istorya, mas daku an posibilidad nga an aton kaistorya magin komportable ngan andam mamati ha aton mensahe.
Subara hi Felipe
3. Magin maobserbaron. Damu an aton mahibabaroan ha usa nga tawo pinaagi ha pag-obserbar han iya postura, panggios, ngan ekspresyon han nawong. Nakikita ba ha iya nga interesado hiya makiistorya ha imo? Puydi mo isumat an usa nga kamatuoran ha Biblia pinaagi ha pagpakiana, “Nahunahuna mo na ba . . . ?” Likayi an pagpirit ha pakiistorya ha usa nga nadiri.
4. Magin pasensyoso. Ayaw hunahunaa nga kinahanglan mo dayon makiistorya mahitungod ha Biblia. Hulata an tama nga higayon nga maisumat ito. Danay, bangin kinahanglan ha sunod na la niyo nga pag-istorya.
5. Pag-adjust. Bangin tigda la bag-uhon han imo kaistorya an topiko. Salit magin andam pagsumat ha kon ano an importante para ha iya, bisan diri ito an topiko ha Biblia nga nahunahuna mo isumat.
