BIZULÚ GUNIʼNÉ BINNI
LECCIÓN 2
Guniʼné binni casi ruiʼluʼ diidxaʼ
Principiu stiʼ Biblia: «¡Aque sicarú nga diidxaʼ ni riníʼcabe ora peʼ caquiiñeʼ ni!» (Prov. 15:23).
Ni biʼniʼ Felipe
1. Biiyaʼ VIDEU RIʼ o biindaʼ Hechos 8:30, 31. Despué guníʼ ique ni ná ca pregunta riʼ:
¿Xi rusiidiʼ ejemplu stiʼ Felipe laanu?
2. Pa guinínenu binni cásica modo rininu la? zándaca zuni sentir binni galán ne zaná gucaadiaga laanu.
Yenanda ejemplu stiʼ Felipe
3. Biiyaʼ chaahuiʼ. ¿Ñee zanda gánnaluʼ xiixa cosa de binni ca pur modo rihuinni lú ne pur modo zuhuaa la? ¿Rihuinni nápabe gana guiniʼbe la? Zanda guzulú guiníʼneluʼ laabe xiixa de lu Biblia pa guiniʼluʼ: «¿Ñee nannuʼ. . . ?». Pa qué naʼ binni ca guiníʼ, maʼ cadi gábiluʼ laabe gastiʼ.
4. Gupa paciencia. Cadi casi zeluʼ guiniʼluʼ de Biblia, guleza ti ratu ne biyubi modo guiníʼneluʼ laabe de Biblia sin gudiibe cuenta. Peru para gúniluʼ nga la? ziuu biaje naquiiñeʼ cuézaluʼ dede sti dxi.
5. Bichaa ni cá íqueluʼ guiniʼluʼ. Zándaca guzulú binni guiníʼ xiixa ni cadi cabézaluʼ. Lugar de guiniʼluʼ ni maca gudixhe chaahuiluʼ, biʼniʼ stipa guiníʼneluʼ binni de ni naguu xizaa laa.
LAACA ZANDA GÚʼNDALUʼ
Ecl. 3:1, 7; 1 Cor. 9:22; 2 Cor. 2:17; Col. 4:6
