Gupai Firipo Amangihe

Ginipai Ani Awirikaha be Firipo?

2. Ka ani mbu fugodagbase si niye kina boro kpotorani yo, si nawira wa si nika duadu taata fu gu boro re, na si ki mbu gene fu ni tipa ani sakipai tipa gaani pangbanga fu ni.

 Ani Wiriki Firipo

3. Mo ni kparia apai. Kpakpu boro yo na kpotoni ima rengba ka yugo dungu apai tipa ni. Ya mo gu boro re na nyemu ka fura na mo? Mo ima rengba ka tona fugo tipa gu rengo nga ga Baibiri niya mo gbua we, “Ya mo mo iningo gupai nga . . . ?” Mo ne sosoda fugodagbase na gu boro aidanga ka fura na mo ya.

4. Mo du na Zerangbaduse. Ka mo naabingo ho nga si naida mo tona yugo gu rengo nga ga Baibiri nibasa ya. Mo pidi gu wene momu nga gu rengbe ka sa gupai nga mo tona fugo kina boro kpotoroyo. Ti kura regbo, gipai re ima rengba ka yugo gupai nga mo sungudi kina gu kura regbo mo nika fura berewe na ni.

5. Ka mo kongo nga kuti pai sa ya. Boro ima rengba ka tona fura tipa gupai mo naaberãnga paha ya. Si du, mo du regerege ka yugogupai fu ni nandu na gupai ni afura tipaha, ka si vura du vurũ nga ka saka gu rengo nga ga Baibiri nga gu paha naadunga berãro yo ya.