MMƖLƖ MƆ ƆBƆƆ NKƆMMƆWƆLƐ TƲ
OZUMALƐDƖYƐ 3
Dá Kunlumiba Ali
Egyinalɛzʋ-odwokɔ: ‘Ɔlɔlɛ yi ti nu iko.’—1 Kɔl. 13:4.
Mɔɔ Gyisɛsɩ Yɛlɩ
1. Kila VIDIYO yi, anzɛnyɩɩ kɩnga Dwɔɔnʋ 9:1-7. Akʋ̃ bozunzu ndwokɔɣizialɛ mɔɔ ilili ɔzʋlɔ yɩ nwʋ:
-
Asʋ̃ Gyisɛsɩ lili bɔmʋnlɩ wukoli benyia yɩ anyɩ anzɛnyɩɩ ɩhanlɩ odwokɔba yɩ ihileli yi?—Kila Dwɔ. 9:35-38.
-
Mɩnla ti mɔɔ mɔ Gyisɛsɩ yɛlɩ nɩ manlɩ ɩyɛlɩ mɛlɛkɛ ɩmanlɩ benyia yɩ kɛɛ ikediye yi a?
Mɩnla Yɛ Yesuma Wɔ Gyisɛsɩ Kɛnɩ a?
2. Sɛ abiye tɩ nɣanlɩ kɛɛ yɛdwɩnɩ yɩ nwʋ a, ɩkɛma ɩkɛyɛ mɛlɛkɛ kɛɛ ikediye yɛ.
Sumazuma Gyisɛsɩ
3. Da ntɩyasɩ ali. Bɔ mmɔdɩnɩ kɛɛ ɛkɛdɩ kezimɔ ɩtɩ nɣanlɩ nɩ tʋ.
-
Bizia wʋ nwʋ kɛɛ: ‘Mɩnla yɛ ebiye a, ɩha yɩ a? Mɩnla yɛ ebiye a, yɩ anyɩ keleli nwʋmɔ anzɛnyɩɩ ɩkɔwʋwa yɩ a?’ Ɔzɔ mɔɔ ɛkɛyɛ nɩ kɔwʋwa wʋ ma ɔkɔzʋ̃ wʋ ahʋnlɩnɩ nu ɛkɛla kunlumiba ali.
-
Tiye yi. Sɛ ɛyɛ ɔzɔ a, nɩ ekilee kɛɛ ɔdwɩnɩ mɔɔ ihyinyia yɩ paa nɩ nwʋ. Sɛ abiye kã kezimɔ ɩtɩ nɣanlɩ wɔ debe nwʋ ikile wʋ anzɛnyɩɩ ɩkã yɩ ɔhawʋ be ikile wʋ a, áma ɛsɩnza odwokɔ mɔɔ ɩkãã nɩ ɔkɔ ɛkã odwokɔ fʋlɔ.
4. Tɩndɛ wɔ kunlumiba nɩɩ annidi ɔhʋanɩ zʋ. Duwa wʋ ɛdɩndɛlɛ zʋ fa kile kɛɛ ɛtɩ nɣanlɩ ɛma yɩ na ɛpɛ kɛɛ ɔbʋwa yɩ. Kila ndwokɔ mɔɔ ɛkɛhã nɩɩ kezimɔ ɛkɛhã nɩ bʋwɔ na pʋ́ kɛɛ ɛkɛhã ndwokɔ mɔɔ ɩkɛha yɩ.
5. Yɛ bʋwavʋlɔ. Pɩbɛ nwʋmɔ ɔhʋanɩ azʋlɔtʋ mɔɔ okoluwa zʋ ɔkɔwʋwa yɩ. Sɛ yɛda kunlumiba ali a, ebiye a, ikenyia ɛpɛ kɛɛ ɩ nɩɩ yɛ kɛdɩndɛ.
