KUNJAMSA PARLAÑ QALLTASMA
3 YATICHÄWI
Khuyapayasirïñasawa
Bibliajj akham siwa: “Munasir jaqejj […] khuyapayasiriwa” (1 Cor. 13:4).
Kunsa Jesusajj luräna
1. VIDEO uñtäta, jan ukajj Juan 9:1-7 liytʼäta. Ukatsti, aka jisktʼanakaruw qhanañchtʼäta:
-
¿Kunsa Jesusajj nayraqat luräna: juykhu jaqerut qolläna jan ukajj suma yatiyäwinakcha yatiyäna? (Juan 9:35-38 liytʼäta).
¿Kunsa Jesusat yateqassna?
2. Jaqenakajj jupat llakisitas amuyapjjani ukhajja, istʼañ munapjjestaspawa.
Jesusat yateqasim
3. Mayninakat sinttʼasiñamawa. Kunjamas utanejj jikjjatasi uk amuyañatakiw chʼamachasiñama.
-
Akham jisktʼasim: “¿Kunanakas jupar llakisiypacha? ¿Kuna toqetsa yatiñ munaspa, jan ukajj kunas yanaptʼaspa?” sasa. Ukham jisktʼasiñajja, mayninakat taqe chuyma sinttʼasiñatakiw yanaptʼätam.
-
Utanir sum istʼasaw jupat llakisitam uñachtʼayañama. Jupatï kunjamas jikjjatasi, jan ukajj kuna jan walinsa uñjasi uk cuenttʼätam ukhajja, janiw yaqha toqet parlañamäkiti.
4. Munasiñampi respetompiw parltʼañama. Mayninakat sinttʼastan, cheqapun yanaptʼañ muntan ukajj parlatasanwa qhan amuyasi. Ukhamajja kuntï siskäta, kunjamtï siskäta ukanak wali amuyumpiw ajlliñama. Janiw chuymap ustʼayirjam parlañamäkiti.
5. Yanaptʼañamawa. Yanaptʼañjamäkani ukhajja, yanaptʼañamawa. Ukham luratamajj jupamp parltʼañatakiw yanaptʼiristam.