СӨҺБӘТӘ БАШЛАМАГ
ДӘРС 3
Хејирхаһлыг
Принсип: «Мәһәббәт... хејирхаһдыр» (1 Кор. 13:4).
Иса Мәсиһин гојдуғу нүмунә
1. ВИДЕОЈА бах вә ја Јәһја 9:1—7 ајәләрини оху. Сонра исә нөвбәти суаллар үзәриндә дүшүн:
-
а) Иса әввәлҹә нә етди? Кор адама хош хәбәри тәблиғ етди, јохса онун ҝөзләрини ачды? (Јәһја 9:35—38 ајәләринә бах.)
-
б) Сәнҹә, нәјә ҝөрә һәмин адам Исанын дедикләринә гулаг асды?
Иса Мәсиһдән нә өјрәнирик?
2. Инсан она ҹан јандырдығымызы һисс етсә, чатдырдығымыз хәбәрә даһа һәвәслә гулаг асар.
Иса Мәсиһ кими давран
3. Инсанын дәрдини дуј. Онун кечирдији һиссләри анламаға чалыш.
-
а) Дүшүн: Ҝөрәсән, ону нә нараһат едир? Нәјин она көмәји дәјәр, нә она хош олар? Бу сәнә көмәк едәҹәк ки, инсана үрәкдән хејирхаһлыг ҝөстәрәсән.
-
б) инсан ону нараһат едән мәсәләләрдән вә ја гаршылашдығы проблемләрдән данышырса, ону динлә, сөһбәти дәјишмә. Белә етмәклә онун дедикләринә биҝанә олмадығыны ҝөстәрәҹәксән.
4. Меһрибан вә һөрмәтҹил даныш. Инсанын дәрдинә јандығын вә она ҹан-дилдән көмәк етмәк истәјин сәс тонундан билинәҹәк. Нә дејәҹәјинә, неҹә дејәҹәјинә фикир вер. Еһтијатлы ол ки, инсанын хәтринә дәјмәјәсән.
5. Көмәк әлини әсирҝәмә. Фикирләш ҝөр инсана һансы үсулларла әмәли көмәк ҝөстәрә биләрсән. Хејирхаһ әмәл сәмими үнсијјәтә гапы ачыр.
