BÔDÔL NKWEL
YIGIL 3
Loñgeñem
Litiñ: “Gwéha . . . i gwé ki loñgeñem.” —1 Korintô 13:4.
Kii Yésu a bi boñ
1. Béñge VIDÉÔ, tole añ Yôhanes 9:1-7. I mbus, timbhe mambadga mana:
-
Kii Yésu a bi bôk ndugi a boñ, baa a bi mbuubaha ndugi i mut ndim nunu tole a bi añle ndugi nye ñañ nlam?—Béñge Yôhanes 9:35-38.
-
Inyuki i yom Yésu a bi boñ i bi tihba i mut ndim nunu kayéle a emble ñañ nlam?
Kii ndémbél i Yésu i niiga bés?
2. Mut a ga ba bebee i emble bés ibale a nôgda le di ntôñ toi nye.
Kôna Yésu
3. Unda mut ñem ngôô. Noode hégda i yom a nôgda.
-
Badba le: ‘Imbe nduña i mut nu a yé le a bana? Umbe nkwel u yé le u ti nye ngôñ i emble bés? Mambadga ma ma ga hôla we i unda i mut nu loñgeñem.
-
Ibale mut a nkal we i yom a nôgda inyu ngim jam, tole a ntoñle we mandutu a mboma, yoñ ngéda i emble nye inyu unda nye le u ntôñ ni mam ma mpémél nye. U héñha bañ nkwel.
4. Pot ni loñgeñem u tinak nye lipém. Kiñ yoñ i ga yis nye le u ntôñ toi nye ni le u nsômbôl hôla nye. Pohol bibuk gwoñ loñge, u kwel ni loñge kiñ, u keñgle ki i mam ma nla babaa nye.
5. Ba bebee i lona mahôla. Yéñ manjel i lona i mut u nkwélés mahôla. I mam u ga bôñôl mut ni loñgeñem, ma nla yibil we njel i bana loñge nkwel ni nye.