MAMULAI PAKKATAION
PARSIAJARAN 3
Burju ma Hamu
Prinsipna: “Halak na marholong ni roha i . . . burju.”—1 Kor. 13:4.
Aha do na Diulahon Jesus?
1. Tonton ma VIDEO, manang jaha ma Johannes 9:1-7. Dung i pikkirhon ma sukkun-sukkun on:
-
Aha do na diulahon Jesus parjolo, pamaluppon bawa na mapitung i do manang marbarita na uli tu ibana?—Ida ma Johannes 9:35-38.
Aha do Parsiajaranna?
2. Olo do sasahalak manangihon barita na uli molo merasa ibana na parduli hita tu ibana.
Tiru ma Jesus
3. Bayakkon ma songon dia perasaanna.
-
Pikkirhon ma: ‘Aha do na mambahen ibana khawatir? Aha do na boi mangurupi manang na cocok tu ibana?’ Molo dipikkirhon hamu on, gabe tergerak ma hamu patuduhon burju ni roha.
-
Tangihon jala patudu ma na parduli do hamu tikki makkatai-hatai dohot sasahalak. Molo dipaboa ibana songon dia perasaanna manang masalahna, unang ma gabe na asing dihatai hamu.
4. Lambok ma makkatai jala argai ma nasida. Tarida do na asi rohamuna jala na lomo rohamuna mangurupi sasahalak sian caramuna makkatai. Pakke ma hata na denggan dohot nada suara na pas. Jala unang ma gabe haccit roha ni nasida alani hatamuna.
5. Rade mangurupi. Lului ma kesempatan na cocok lao mangalehon bantuan na porlu tu nasida. Molo burju hita tu sasahalak lam mura ma ibana makkatai dohot hita.
