A NIN SRAN BO YALƐ KOKOLƐ BO
LIKE SUANLƐ 3
Kan ndɛ amanniɛn su yɛ yo sran ye
Ndɛ cinnjin’n: “Sran ng’ɔ klo sran’n […] ɔ yo sran ye.”—1 Kor. 13:4.
Like nga Zezi yoli’n
1. Nian VIDEO’N, annzɛ kanngan Zan 9:1-7 nun. I sin’n, bu kosan nga’m be akunndan:
-
(1). ?Ngue yɛ Zezi dun mmua yoli-ɔ, ɔ dun mmua yoli aɲinsifuɛ’n i juejue annzɛ ɔ dun mmua boli jasin fɛ’n kleli i?—Nian Zan 9:35-38 nun.
-
(2). ?Kɛ a niɛn i sa’n ngue ti yɛ bian’n sieli i su Zezi i nuan bo-ɔ?
?Ngue yɛ like nga Zezi yoli’n kle e-ɔ?
2. Sɛ sran kun wun i wlɛ kɛ i ndɛ lo e sakpa’n, ɔ́ síe i su e nuan bo.
Sɔnnzɔn Zezi
3. Kle kɛ sran’n i ndɛ lo wɔ. Bu wafa nga sran’n i wun yo i’n i akunndan.
-
(1). Usa ɔ wun kɛ: ‘?Ngue yɛ ɔ kle sran’n i yalɛ-ɔ? ?Ngue yɛ ɔ kwla ukɛ i kpa-ɔ?’ Sɛ a yo sɔ’n á klé kɛ sran’n i ndɛ lo wɔ sakpa.
-
(2). Sɛ sran kun kan wafa nga i wun yo i’n i ndɛ kle wɔ annzɛ ɔ bo sa kun m’ɔ kle i yalɛ’n su’n, nán kpalo i nuan ndɛ. Sie ɔ su i nuan bo, i liɛ’n á klé i kɛ i ndɛ lo wɔ sakpa. Sie ɔ su sran’n i nuan bo. Sɛ a yo sɔ’n á klé i kɛ like ng’ɔ ti i cinnjin’n, ti ɔ cinnjin wie. Sɛ sran’n kan wafa nga i wun yo i’n i ndɛ kle wɔ annzɛ ɔ bo sa kun m’ɔ kle i yalɛ’n su’n, nán yacilɛ kan ndɛ uflɛ.
4. Kan ndɛ amanniɛn su nin aɲinyiɛ su. Sɛ sran’n i ndɛ lo e’n naan e kunndɛ kɛ é úkɛ i sakpa’n, i sɔ’n i ɲin fíte wafa nga é kán ndɛ’n klé i’n nun. Bu ndɛ nga á kán’n nin wafa nga á kán ndɛ sɔ’n be akunndan. Nán kan ndɛ ng’ɔ kwla lo sran’n i ngasi’n.
5. Uka sran’n. Bu ninnge trele nga a kwla yo be fa uka sran’n be akunndan. Sɛ sran’n sie i nzɔliɛ kɛ e klun ti ufue’n ɔ kwla kplin su kɛ ɔ nin é kókó yalɛ.
