BARO DAMINƐ MƆGƆW FƐ
Yuhana 9:1-7
KALANSEN 3
Ɲumanya
Sariyakolo: “Kanuya . . . falen bɛ ɲumaya la.” —1 Kɔrɛntekaw 13:4.
Yesu ye min kɛ
1. WIDEYO lajɛ, walima Yuhana 9:1-7 kalan. O kɔ, nin ɲininkali ninnu sɛgɛsɛgɛ:
Yesu ka misali bɛ an kalan mun de la?
2. An bɛ ka cikan min lase, mɔgɔw ka teli ka sɔn o ma ni u y’a ye ko an bɛ an mago don u la.
Yesu ladege
3. I yɛrɛ bila a tigi nɔ na. Ko min b’a tigi kan, a ɲini ka o faamu.
-
I yɛrɛ ɲininka: ‘A bɛ se ka kɛ ko a bɛ ka hami mun de ko la? Mun de bɛ se ka a dɛmɛ ani ka diya a ye?’ O kɛli bɛna i dɛmɛ ka ɲumanya jira cogo nɔgɔnman na ni kɔnɔnajɛya ye.
-
A jira ko fɛn min nafa ka bon a tigi bolo, ko i bɛ i mago don o la i kɛtɔ ka a lamɛn. A tigi ka ko bɛ cogo min na ka ɲɛsin ko dɔ ma, n’a ye o fɔ i ye, walima n’a ye gɛlɛya dɔ kofɔ i ye min b’a kan, i kana barokun yɛlɛma.
4. Kuma ni ɲumanya ani bonya ye. N’a tigi hinɛ donna i la, ani ni i b’a fɛ ka a dɛmɛ tiɲɛ yɛrɛ la, o bɛ ye i kumacogo fɛ. I janto kosɛbɛ i ka kumafɔtaw ani u fɔcogo la, ani i yɛrɛ kɔlɔsi i kana fɛnw fɔ minnu bɛ se ka a tigi dusu bɔ.
5. A tigi dɛmɛ. Cogoya bɛnnenw ɲini walasa ka a tigi dɛmɛ sira jɔnjɔnw fɛ. Ni an ye ɲumanya kɛ ka ɲɛsin mɔgɔ ma, o bɛ se k’a to a tigi ka sɔn ka baro kɛ an fɛ.
NINNU FANA LAJƐ
Romɛkaw 12:15, 16; Galasikaw 6:10; Heburuw 13:16