DƆ́Ɔ́ GBƆ-DÈ-DÈ
CƐ̃́Ɛ́-ÐƐ̀ 3
Kpeɖeín-Nɔ̀mɔ̀-Nɔ̀mɔ̀
Hwìè-da-zàìn-wùɖù: “Nyɔ ɖò dyi ɖɛ̀ɓɛ̀ìn-ɖɛ̀ɓɛ̀ìn ɓéɖéín . . . ɔ kpeɖe nɔ̀mɔ̀ dyíin.”—1 Kɔ̀ɖ 13:4.
Ðɛ Jízɛ̀ Nyu Ma Kɛ
1. Dyé VÍÐÒƆ̀ dyi, mɔɔ zà Jɔ̃́ɔ́ 9:1-7 wuɖuún. Nìí, poìn dyi-diè-ɖɛ̀ ɓè kɔà ɓó dyíɛɛ jè hwìɖìi:
-
Ðɛ́ Jízɛ̀ nyu ma kĩ́ín nyɛ́—ɔ kánáìn ma gàaɔ̀ dyiì, mɔɔ ɔ cɛ̃ ma ɔ bɔ̃̀ nɔ̀mɔ̀ dyíinɔ̀ gboò?—Dyé Jɔ̃́ɔ́ 9:35-38.
-
Xwíníínɔ̀ nyɛ́ kɔ̃̀ jè Jízɛ̀ɛ̀ nyuu-ɖɛ̀ɔ̀ ɓɛ́ìn ma nyuɛ ɓɛ́ gàaɔ̀ ké ma bɔ̃̀ nɔ̀mɔ̀ dyíinɔ̀ dyi kpɔ̃ kɛ́?
Ðɛ́ À Cɛ̃́ Jízɛ̀ Xwaún Wɛ̃́?
2. Nyɔ ɖò mu dyɛ̀ à bɔ̃̀ɔ̀ ɖùù gbo tòɛ̀ mɔ́ùn ɔ jù ké ɔ dyiɛ dyé kà à kɔ̃̀ ɖé ɔ jè gboɛ ní.
Sí Jízɛ̀ Ɓo-Bɛ̃̀ìn
3. Wɔ̃́ nyɔɔ̀ jè múin. Vɔ̃ ɓɛ́ m̀ ké kà nyɔɔ̀ hwòɖò nyu nìɛ̀ kɛɛ jè hwìɖìi nàìn.
-
Diè m̀ mìɔùn dyi: ‘Ðɛ́ ɓɛ́ìn ɔ hwòɖò-kpɔ̃-ɖɛ̀ jùɛ kɛ́? Ðɛ́ ɓɛ́ìn gbo-kpá-kpá kè hwìɖìi-nɔ̀mɔ̀-ɖɛ̀ jùɛ ɖé ɔ gbo kɛ́?’ Ɔ náa nyu-nyu mu m̀ gbo kpáùn, ɓɛ́ m̀ ké kpeɖeín-nɔ̀mɔ̀-nɔ̀mɔ̀ tɛ̀mɛ̀ìn hwòɖòɛ̀-ɖé-hwɛ̀-kà.
-
Tɛ̀mɛ̀ìn kà m̀ kɔ̃̀ ɖɛ kpa ɖɛ ɖé nyɔɔ̀ gboɛ jè gboɛ dyììn ɖé ɔ ɖùù gbo tò-tò mú. Ɔ jù ké nyɔɔ̀ dyi kà ɔ hwòɖò nyu nìɛ̀ ɓá ɖɛ ɖò jè dyíɛ, mɔɔ fũ̀à-fṹá-ɖɛ̀ ɖò ɔ nì dyí dyéɛń nyɛɛ jè m̀ gbo cɛ̃ ní, ɓɔ́ dɔ́ɔ́ɔ̀ gbo zĩàìn.
4. Wùɖù kpeɖeín-nɔ̀mɔ̀-kà kè kpéín-dyé-kà. Ɔ jù ké m̀ dyi nyɔɔ̀ wììn dyé, ké m̀ dyi ɔ gbo kpáa mɔ́ jàà ní, nìí kà nì mu wùɖùùn wɛ̃ɛ muɛ tɛ̀mɛ̀ìn. Ma mú, ɓá ɖɛ nì mu cɛ̃ìn nyɛ kè kà nì muɛ cɛ̃ìn nyɛɛ jè dyí, ké ɓàɖàìn ɖɛ mu nyɔɔ̀ dyoɖoún poùn wɛ̃ɛ cɛ̃-cɛ̃ dyí.
5. Tò gbo-kpá-sɔ̃̀. Mɔ́ ti nɔ̀mɔ̀ dyíin ɓè dyi, ɓɛ́ m̀ ké nyɔɔ̀ gbo kpá ɖé kpóɖóún. Kpeɖeín-nɔ̀mɔ̀-nɔ̀mɔ̀ ɓɛ́ìn dɔ́ɔ́ gbo wóɖóɛ.
