A NƖ TƐƐ ˈDƖSƐSƲ
ˈCƖƐCƖƐKÏBHË 3
A nɩ nɛnɩ dlɩ zɛmö
ˈPäpägbaa: “Nɩkpɛ a ˗mɔɔ kää ˗wawʋ dlɩ zɛmöö, [ . . . ] dlɩ zɛmö ɔ nɛnɩɛ.”—1 Kol. 13:4.
ˈSaa Zezwii nʋ ɔ ˈnɩ?
1. A nɩ ylɛ VIDEO, a ˗käˈɛ ˗waa, a nɩ zɛlɩ Zaa 9:1-7 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:
-
(1) ˈSaa Zezwii nʋ ɔ tɛɛ ˈnɩ? Nɩkpɛ ˈmö ɔ yɛmanɩ ɔ cuu ˗a? ˗Maa, lagɔwɛlɩɩ ˈmö ɔ ˈɲɔ ɔ tɛɛ ˗a?—Yɩlɩ ˗mä Zaa 9:35-38 ˈmö.
-
(2) ˗Yɩ kä ɔ ˈn nɩkpɛɛ ˗bhɩɔ a˗a bhä ˈmö ɔ ˈkä Zezwii ˈyukwli ˗pʋnɩ ˈnɩ?
ˈSaa ˗a cɩɛ ɔ Zezwii a dɛ ˈnɩ?
2. ˗Muë ˗a yɩbhää ˗a ˈkä lagɔwɛlɩɩ ˈɲɛɛ, wa ˗kii ˈylɩmö nɩɩ wa gbʋ plɛnɩɲɩɩ, wa ˗yiɲɩ sasɛ ˈyukwli ˗pʋnɩ.
A nɩ ˗gänɩ Zezwii ˈa gbäpöö
3. A nɩ ˈzʋ aɲɩ wa ˈbhle ˈmö. ˈSaa ˈtɛɛnuë ˗kamä cɛˈmö, a nɩ tɛlɩ sɛ a ˈki ˈmö ˈnʋ.
-
(1) A nɩ ˈyɩbhä bhʋlʋbhlʋ aɲɩ nimï: ‘ˈSaa libhuë ɔ dlɩ ˈnɩ? ˈSaa ˈkuë ɔ kwänɩ ˈn ˈsaa ˈkä ɔ wa dila cɛzɩ ˈnɩ?’ A ˗kä ˗sɩbhä ˈzʋʋ, yɩ yeaɲɩ kwänɩ ˈn a yi ˗tiamö a dlɩzɛmönanɔɔ tula.
-
(2) Nɩkpɛ ˗kä ˈɔ ki ɔ ˗wʋä ˈmö a wɛlɩɩ bhïlaa, a nɩ tɩ käböwɛlɩɩ bhïla. ˗Maa, kïbhïï ˗yɩ ˗ɲɛ ˈɔ wɛlɩɩ mönɩɛ yɔwʋ ˈmö a nɩ bhïla. A ˗kä ˈtɛɲɩ ˈwʋ ˈlibhï ˈn a ˗kɔɔ ˈyukwli ˗pʋnɩɩ, ˈylimö a tulanɔɔ nɩɩ, ˈɔ wɛlɩɩ ɔ ˈɲaɲɩɛ kä dɛsɛ.
4. A nɩ bhïla dlɩzɛmönanɩsɛ ˈn ˈklʋkpamözʋsɛ. ˗A ˗ɲɛ nɩkpɛ ˗kä ˈdɩ ˗sɛ dɔˈwʋ ˗wʋʋ, ˗mä ˗aˈa bhïlabhïlasaa ˈmö ˗mä ɔ ˈciɛ ˈylɩmö nɩɩ, ˗a kä ŋäzɩdlɩ ˈn ˗a yɩbhä ˗a ˈkɔ kwänɩ. Zaa, sɛɛ a ˈkää bhïlaa, ˈn sɛɛ a ˈkää gbää, a nɩ ˈnɛmanii ˈwʋ. ˗Lii a ˗mi bhɛnɩɛ yɩ ˈkɔ swɩ yɔwʋ ˈkuanɩ, a nɩ tɩ yɩ wɛlɩɩ bhïla.
5. A nɩ tɛlɩ sɛ a ˈkʋa kwänɩ. ˗Lii a ˈkää ˈmö ghlɛnɩ nzɩ a ˈkʋa kwänɩɩ, a nɩ telii sɛ. ˗Muë ˗a yɩbhää a ˗ɲɛ ˈsɔ ˈkä ˈdɩ ˗sɛ, ˗mä wa ˗gömö a dɔˈwʋʋ, a ˗kä dlɩ zɛmö nɛnɩɩ, wa yi ˈmö ˗bhɩɔ, wa ˗ɲɛ abhʋa ˈsɔ ˈkä ˈdɩ ˗sɛ.