YEME’E TATÉ MINLAÑ
AYÉ’É 3
Bo’o mbamba nlem
Ñye’elan: “Nye’an ô ne . . . mbamba nlem.” —1 Cor. 13:4.
Jame Yésus a nga bo
1. Yene’e VIDÉO, nge ke na lañe’e Jean 9:1-7. Mvuse ya valé fase’e minsili mi:
-
Jé Yésus a nga taté bo, ye saé ndindime môt, ye kañete wô mbamba foé?—Fombô’ô Jean 9:35-38.
-
Amu jé wo simesane na môt ate a mbe nkômesane ya vô’ôlô Yésus?
Éve’ela Yésus ja ye’ele bia jé?
2. Môt a ne kômbô vô’ôlô foé bia kañete nye nge a yene na bia nyoñe nye ngap.
Bo’o ane Yésus
3. Tebe’e été môte mia nye mia laan. Jeñe’e na ô yene mam ane nye.
-
Sili’i womiene na: ‘Jé é ne tyelé nye nleme yôp? Jé é ne volô nye, a jé a ne nye’e?’ Mboon ôte wo ye volô wo na ô bo mbamba nlem a nye.
-
Liti’i na ô nji biasé minju’u mi môte mia nye mia laan. Nge a kate wo ôsimesane wé a lat a jam éziñe nge na, a laane wo ajô ya njuk a tôbane wô, te taté na wo kobô mame mefe.
4. Bela’ane mbamba bifia a bo’o ésemé. Tyiñe nkobô jôé ja ye liti môte nge wo nyoñe nye ngap a nge wo kômbô volô nye. Tabe’e ntyel a mame wo jô a avale wo jô me, te jô mame ma ye bo môte mbo’o mintaé nlem.
5. Jeñe’e na ô yem aval ô ne volô nye. Jeñe’e mezene ya volô môte mia nye mia laan. Mbamba be mame wo bo be ne bo na minlañe mi taté.